ວັນທີ 8 ມີນານີ້, ທ່ານນາງຫູສິວລ້ຽນ ສະມາຊິກສະພາປຶກສາການເມືອງປະຊາຊົນແຫ່ງຊາດຈີນ, ປະທານທະນາຄານຂາເຂົ້າ-ຂາອອກຈີນກ່າວຢູ່ນະຄອນຫຼວງປັກກິ່ງວ່າ, ປີນີ້, ຈີນຈະຊຸກຍູ້ການສ້າງ "ໜຶ່ງແລວໜຶ່ງເສັ້ນທາງ", ສືບຕໍ່ຊຸກຍູ້ການຄ້າໃຫ້ສະດວກ ແລະ ມີເສລີພາບກວ່າເກົ່າ ແລະຊຸກຍູ້ການລົງທຶນຂ້າມແດນ ເພື່ອເປີດກວ້າງການເປີດປະຕູສູ່ພາຍນອກຕື່ມອີກ.
ທ່ານນາງຫູສິວລ້ຽນກ່າວໃນເວລາຕອບຄຳຖາມຂອງນັກຂ່າວ CRI ໃນກອງປະຊຸມຂ່າວເທື່ອທີ 2 ຂອງກອງປະຊຸມປະຈຳປີສະພາປຶກສາການເມືອງປະຊາຊົນແຫ່ງຊາດຈີນ ໂດຍກ່າວວ່າ, ຜ່ານຈາກຄວາມພະຍາຍາມທັງ 3 ດ້ານ, ສາມາດເຮັດໃຫ້ເສດຖະກິດຈີນເຊື່ອມໂຍງເຂົ້າກັບເສດຖະກິດໂລກດີກວ່າເກົ່າ, ບໍ່ພຽງແຕ່ເຮັດໃຫ້ເສດຖະກິດຈີນພັດທະນາດີກວ່າເກົ່າ ແລະ ມີຄຸນນະພາບກວ່າເກົ່າເທົ່ານັ້ນ, ຍັງສາມາດຊັກນຳການພັດທະນາເສດຖະກິດຂອງໂລກ ແລະ ຊຸກຍູ້ເສດຖະກິດໂລກໃຫ້ເຕີບໂຕຢ່າງຕໍ່ເນື່ອງອີກດ້ວຍ.
 |
