ວັນທີ 9 ມີນານີ້, ທ່ານໂຈ່ວສິວຊວນ ຜູ້ວ່າການທະນາຄານປະຊາຊົນຈີນ ທີ່ເປັນທະນາຄານກາງຈີນກ່າວຢູ່ນະຄອນຫຼວງປັກກິ່ງວ່າ, ຈີນຍັງມີຂໍ້ຈຳກັດບາງດ້ານໃນການຊຸກຍູ້ໃຫ້ແລກປ່ຽນໂຄງການເງິນທຶນເງິນຢວນຈີນຢ່າງໜັກແໜ້ນ ແລະ ຄ່ອຍເປັນຄ່ອຍໄປ, ແຕ່ຂໍ້ຈຳກັດເຫຼົ່ານີ້ຈະຖືກຍົກເລີກເທື່ອລະກ້າວ. ພາຍຫຼັງຍົກເລີກແລ້ວ, ເງິນຢວນຈີນຈະຫັນເປັນເງິນຕາສາກົນເທື່ອລະກ້າວ.
ທ່ານໂຈ່ວສິວຊວນກ່າວໃນກອງປະຊຸມຖະແຫຼງຂ່າວຂອງກອງປະຊຸມເທື່ອທີ 1 ຂອງສະພາປະຊາຊົນແຫ່ງຊາດຈີນສະໄໝທີ 13. ທ່ານກ່າວຕື່ມວ່າ, ຜູ້ເຂົ້າຮ່ວມໃນຕະຫຼາດຈະຍິນດີໃຊ້ເງິນຢວນຈີນດຳເນີນການຊຳລະບັນຊີ ແລະ ລົງທຶນຫຼາຍເທົ່າໃດ ແລະ ການຄິດໄລ່ລາຄາທຶນ ເຊິ່ງລວມທັງສິນຄ້າສຳຄັນ ແລະ ຄັງສຳຮອງເງິນຕາຕ່າງປະເທດຈະໃຊ້ເງິນຢວນຈີນມາຄິດໄລ່ລາຄາຫຼາຍເທົ່າໃດ, ທັງນີ້ຈະເປັນຂະບວນການທີ່ຍາວນານ, ໃຜກໍບໍ່ສາມາດບັງຄັບຄົນອື່ນໄດ້, ທຸກຄົນລ້ວນແຕ່ມີສິດຈະພິຈາລະນາບັນຫາເຫຼົ່ານີ້ດ້ວຍຄວາມເຂົ້າໃຈຂອງຕົນ. ສະນັ້ນ, ການຫັນເງິນຢວນຈີນເປັນເງິນຕາສາກົນຈະເປັນຂະບວນການທີ່ຄ່ອຍເປັນຄ່ອຍໄປ.
 |
