ໃນໄລຍະເຂົ້າຮ່ວມກອງປະຊຸມເທື່ອທຳອິດຂອງສະພາປະຊາຊົນແຫ່ງຊາດຈີນຊຸດທີ 13 ຢູ່ນະຄອນຫຼວງປັກກິ່ງເມື່ອບໍ່ດົນມານີ້, ທ່ານຈ້າວຫວັນພິງ ຜູ້ແທນສະພາປະຊາຊົນແຫ່ງຊາດຈີນ,ຮອງຫົວໜ້າສະຖາບັນວິທະຍາສາດກະສິກຳແຂວງອ່ານຮຸຍໄດ້ໃຫ້ສຳພາດຕໍ່ນັກຂ່າວCRIວ່າ: ການລົບລ້າງຄວາມທຸກຍາກເປັນບັນຫາຫຍຸ້ງຍາກໃນທົ່ວໂລກ, ຢູ່ລຽບຕາມ "ໜຶ່ງແລວໜຶ່ງເສັ້ນທາງ"ສ່ວນຫຼາຍເປັນປະເທດແລະເຂດແຄວ້ນພວມພັດທະນາ,ສະນັ້ນ, ການຫຼຸດຜ່ອນຄວາມທຸກຍາກຈຶ່ງເປັນໜ້າທີ່ຮ່ວມໃນປະຫວັດສາດ, ດ້ວຍເຫດນີ້, ການຮ່ວມມືເພື່ອຫຼຸດຜ່ອນຄວາມທຸກຍາກໃນຂອບຂໍ້ລິເລີ່ມ"ໜຶ່ງແລວໜຶ່ງເສັ້ນທາງ"ຈະມີອະນາຄົດທີ່ສົດໃສ, ເຊິ່ງຈະສາມາດຊ່ວຍເພີ່ມຄວາມສາມາດສັງລວມຂອງປະເທດພວມພັດທະນາໃນການຫຼຸດຜ່ອນຄວາມທຸກຍາກຢ່າງມີປະສິດທິຜົນ ແລະປະກອບສ່ວນເຮັດໃຫ້ປະເທດເຫຼົ່ານີ້ຕ່າງຝ່າຍຕ່າງໄດ້ຮັບຜົນປະໂຫຍດແລະພັດທະນາຮ່ວມກັນ.
ທ່ານຈ້າວຫວັນພິງກ່າວວ່າ: ນັບແຕ່ກອງປະຊຸມໃຫຍ່ຄັ້ງທີ 18 ຂອງພັກກອມມູນິດຈີນເປັນຕົ້ນມາ, ປະຊາກອນຜູ້ທຸກຍາກໃນຊົນນະບົດຈີນໄດ້ຫຼຸດລົງ 68.530.000 ຄົນ, ອັດຕາຄວາມທຸກຍາກໄດ້ຫຼຸດລົງຈາກ 10% ເມື່ອທ້າຍປີ 2012 ເຫຼືອພຽງ 3% ເທົ່ານັ້ນ. ຈີນຍິນດີຮ່ວມກັບປະເທດອື່ນແບ່ງປັນວິທີ,ເຕັກນິກແລະບົດຮຽນໃນການຫຼຸດຜ່ອນຄວາມທຸກຍາກໃນຫຼາຍປີຜ່ານມາ.
 |
