ວັນທີ 12 ມີນານີ້ຢູ່ນະຄອນຫຼວງປັກກິ່ງ, ທ່ານອູຢືທູ ຮອງຫົວໜ້າກຳມາທິການເສດຖະກິດການເງິນສະພາປະຊາຊົນແຫ່ງຊາດຈີນຢືນຢັນວ່າ: ໃນສ່ວຍສາອາກອນຈຳນວນ 18 ປະເພດທີ່ຈີນປະຕິບັດໃນປັດຈຸບັນ, ມີ 6 ປະເພດໄດ້ສ້າງໃຫ້ມີກົດໝາຍສະເພາະແລ້ວ. ສ່ວນກົດໝາຍສ່ວຍສາອາກອນ 6 ສະບັບເຊັ່ນອາກອນເກນໃຊ້ທີ່ດິນປູກຝັງ,ອາກອນຊັບພະຍາກອນ,ອາກອນບໍລິໂພກ,ອາກອນສັນຍາ ແລະອື່ນໆກໍໄດ້ສະເໜີໃຫ້ຈັດເຂົ້າໃນແຜນງານນິຕິບັນຍັດປີນີ້.
ທ່ານອູຢືທູກ່າວວ່າ: ໃນແຜນງານນິຕິບັນຍັດ 5 ປີຂອງສະພາປະຊາຊົນແຫ່ງຊາດຈີນຊຸດທີ 12, ກຳມາທິການເສດຖະກິດການເງິນໄດ້ຮັບຜິດຊອບຮ່າງແລະສຳຫຼວດພິຈາລະນາກົດໝາຍ 33 ສະບັບ ກວມ 1/3 ຂອງໂຄງການນິຕິບັນຍັດທັງໝົດ. ໃນໄລຍະ 5 ປີຜ່ານມາ,ກົດໝາຍທີ່ໄດ້ຜ່ານການນສຳຫຼວດພິຈາລະນາແລະປະກາດໃຊ້ແລ້ວມີ 17 ສະບັບ.
ທ່ານອູຢືທູກ່າວຕື່ມວ່າ: ກົດໝາຍວ່າດ້ວຍການຄ້າເອເລັກໂຕຣນິກແລະກົດໝາຍຫຼັກຊັບໄດ້ຜ່ານການສຳຫຼວດພິຈາລະນາຄັ້ງທີສອງຈາກຄະນະປະຈຳສະພາປະຊາຊົນແຫ່ງຊາດ, ສ່ວນທີ່ຍັງເຫຼືອຈຳນວນ 14 ສະບັບກໍກຳລັງຮ່າງຢ່າງເລັ່ງດ່ວນ.
 |
