ອາຍຸແກ່ຊະລາຂອງຈີນແມ່ນໄວທີ່ສຸດໃນໂລກ ສະພາປະຊາຊົນແຫ່ງຊາດຈີນຈະຮັບປະກັນສິດຜົນປະໂຫຍດຂອງຜູ້ສູງອາຍຸ
2018-03-13 11:16:36 cri
ທ່ານເຈີ້ງກົ່ງເຊີງ ສະມາຊິກກຳມາທິການວຽວກັງານພາຍໃນ ແລະຍຸຕິທຳສະພາປະຊາຊົນແຫ່ງຊາດຈີນຊຸດທີ 12 ໄດ້ໃຫ້ສຳພາດຕໍ່ນັກຂ່າວCRIໃນວັນທີ 12 ມີນານີ້ວ່າ: ຈັງຫວະອາຍຸແກ່ຊະລາຂອງຈີນແມ່ນໄວທີ່ສຸດໃນໂລກ. ຕາມການຕິດຕາມ, ກວດກາ, ປະຕິບັດກົດໝາຍ ແລະການສຳຫຼວດຫົວຂໍ້ສະເພາະຢ່າງເລິກເຊິ່ງຂອງກຳມາທິການຕົນໃນໄລຍະ 3 ປີຜ່ານມາ, ຈຶ່ງສາມາດອອກບົດລາຍງານຫົວຂໍ້ສະເພາະຫຼາຍສະດັບ ເຊິ່ງກວມເອົາການພັດທະນາບໍລິການລ້ຽງຊີບໃນໄວຊະລາຢູ່ໃນເຮືອນ, ສະໜັບສະໜູນໃຫ້ກຳລັງສັງຄົມເຂົ້າຮ່ວມການບໍລິການລ້ຽງຊີບໃນໄວຊະລາ, ສົ່ງເສີມການປິ່ນປົວ ແລະການລ້ຽງຊີບໃນໄວຊະລາໃຫ້ປະສານສົມທົບກັນ, ສ້າງລະບົບການປະກັນໄພການດູແລໃນໄລຍະຍາວ, ເລັ່ງລັດຍົກລະດັບບຸກຄະລາກອນບໍລິການລ້ຽງຊີບໃນໄວຊະລາ ແລະອື່ນໆ. ມາດຕະການດັ່ງກ່າວໄດ້ເສີມຂະຫຍາຍບົດບາດທີ່ສຳຄັນໃນການຊຸກຍູ້ການຈັດຕັ້ງປະຕິບັດຮອບດ້ານຂອງກົດໝາຍວ່າດ້ວຍການປົກປັກຮັກສາສິດຜົນປະໂຫຍດຂອງຜູ້ສູງອາຍຸ ແລະການປັບປຸງລະບຽບການທີ່ກ່ຽວຂ້ອງ.
