ວັນທີ 11 ມີນານີ້, ຕາມການລົງຄະແນນສຽງໃນກອງປະຊຸມຄົບຄະນະເທື່ອທີສາມຂອງກອງປະຊຸມຄັ້ງທຳອິດສະພາປະຊາຊົນແຫ່ງຊາດຈີນຊຸດທີ 13, ໄດ້ຮັບຮອງ "ແຜນການດັດແກ້ລັດຖະທຳມະນູນ ສປ ຈີນ". ທ່ານຟຣັນໂຄ ຟຣະຕີນີ ປະທານອົງການຈັດຕັ້ງສາກົນອີຕາລີ, ອະດີດລັດຖະມົນຕີກະຊວງການຕ່າງປະເທດອີຕາລີກ່າວໃນການໃຫ້ສຳພາດວ່າ: ການດັດແກ້ລັດຖະທຳມະນູນຈີນໄດ້ສະແດງເຖິງການເບິ່ງກວ້າງຍາວໄກຂອງການນຳຈີນ ແລະສອດຄ່ອງກັບຄວາມຮຽກຮ້ອງຕ້ອງການໃນການພັດທະນາ ແລະຄວາມໝັ້ນຄົງຂອງຊາດ.
ກອງປະຊຸມສອງສະພາຂອງຈີນກໍໄດ້ດຶງດູດຄວາມສົມໃຈຂອງວົງການການຄ້າອີຕາລີ. ທ່ານຟີລິບໂປ ຟະຊູໂລ ເຈົ້າໜ້າທີ່ຂອງສະຖາບັນຄົ້ນຄວ້າການເມືອງສາກົນອີຕາລີ ແລະສູນຄົ້ນຄວ້າວິສາຫະກິດກອງທຶນອີຕາລີ-ຈີນກ່າວວ່າ: ແຜນການດັດແກ້ລັດຖະທຳມະນູນຈີນຈະຮັບປະກັນຄວາມໝັ້ນທ່ຽງ ແລະຍືນຍົງຂອງນະໂຍບາຍເສດຖະກິດຈີນ ເຊິ່ງມີຜົນດີຕໍ່ວິສາຫະກິດອີຕາລີຢ່າງບໍ່ຕ້ອງສົງໃສ.
 |
