ວັນທີ 12 ມີນານີ້, ທ່ານນາງລຸຍສາຍເຊຍ ສະມາຊິກກຳມາທິການຊັບພະຍາກອນ ແລະ ສິ່ງແວດລ້ອມສະພາປະຊາຊົນແຫ່ງຊາດຈີນສະໄໝທີ 12 ກ່າວຢູ່ນະຄອນຫຼວງປັກກິ່ງວ່າ, ການສ້າງກົດໝາຍຂອງຄະນະປະຈຳສະພາປະຊາຊົນແຫ່ງຊາດຈີນສະໄໝທີ 12 ມີ 18 ສະບັບແມ່ນກົດໝາຍພົວພັນເຖິງການອະນຸລັກສິ່ງແວດລ້ອມ ແລະ ກວມ 18% ຂຶ້ນໄປຂອງການສ້າງກົດໝາຍທັງໝົດ.
ທ່ານນາງລຸຍສາຍເຊຍກ່າວວ່າ, ຄະນະປະຈຳສະພາປະຊາຊົນແຫ່ງຊາດຈີນສະໄໝທີ 12 ຕັ້ງໜ້າຊຸກຍູ້ການສ້າງລະບຽບການຄວາມສີວິໄລດ້ານນິເວດ ເຊິ່ງຕົ້ນຕໍສ່ອງແສງເຖິງ 3 ດ້ານດັ່ງຕໍ່ໄປນີ້ ຄື: ໜຶ່ງແມ່ນຈຳນວນກົດໝາຍ, ສອງແມ່ນຈຸດຢືນໃນການສ້າງກົດໝາຍ ແລະ ສາມແມ່ນຮູບແບບການສ້າງກົດໝາຍ.ທ່ານນາງລຸຍສາຍເຊຍກ່າວຕື່ມວ່າ, ວຽກງານນິຕິບັນຍັດຂອງຄະນະປະຈຳສະພາປະຊາຊົນແຫ່ງຊາດຈີນສະໄໝທີ 12 ຍິ່ງເນັ້ນໃສ່ການແກ້ໄຂບັນຫາ ໂດຍເນັ້ນເຖິງສະພາບຄວາມເປັນຈິງຂອງຈີນ ເພື່ອແກ້ໄຂບັນຫາພົ້ນເດັ່ນ.
 |
