ທ່ານຫຼິວມູ້ເຣິ໋ນ ສະມາຊິກສະພາປຶກສາການເມືອງປະຊາຊົນແຫ່ງຊາດ, ຮອງປະທານສະພາປຶກສາການເມືອງປະຊາຊົນເຂດກວາງຊີ, ປະທານອົງການສຳພັນປະຊາທິປະໄຕເຂດກວາງຊີຈີນ ທີ່ພວມເຂົ້າຮ່ວມກອງປະຊຸມສະພາປຶກສາການເມືອງປະຊາຊົນແຫ່ງຊາດຄັ້ງທຳອິດຊຸດທີ 13 ຢູ່ນະຄອນຫຼວງປັກກິ່ງ ໄດ້ໃຫ້ສຳພາດຕໍ່ນັກຂ່າວວິທະຍຸສາກົນແຫ່ງປະເທດຈີນ ຫຼື CRI ວ່າ: ປັດຈຸບັນ, ຫົວໜ້າສະມາຄົມຈີນຕ່າງດ້າວ ແລະ ຜູ້ອຳນວຍການ ກໍຄື ຄະນະອຳນວຍການໂຮງຮຽນຈີນຢູ່ຕ່າງປະເທດບາງທ່ານ ບໍ່ຮູ້ເວົ້າບໍ່ຮູ້ຂຽນພາສາຈີນ ດັ່ງນັ້ນ, ຈຶ່ງຮີບດ່ວນທີ່ສຸດໃນການສ້າງຊ່ອງທາງຮຽນພາສາຈີນ ກໍຄື ວັດທະນະທຳຈີນໃຫ້ເຂົາເຈົ້າ.
ທ່ານຫຼິວມູ້ເຣິ໋ນ ກ່າວວ່າ: ຄວນໃຫ້ຄວາມສຳຄັນຕໍ່ຄວາມຕ້ອງການຂອງຊາວຕ່າງປະເທດເຊື້ອສາຍຈີນ ແລະ ຈີນຕ່າງດ້າວ ເພື່ອແກ້ໄຂບັນຫາດັ່ງກ່າວໃຫ້ແກ່ໂຮງຮຽນຈີນຢູ່ຕ່າງປະເທດ ຖ້າອາໄສພຽງແຕ່ຄວາມສາມາດຂອງຊາວຕ່າງປະເທດເຊື້ອສາຍຈີນ ກໍມີຄວາມຫຍຸ້ງຍາກຫຼາຍໃນການຈັດຕັ້ງການອົບຮົມທີ່ມີຈຸດສຸມ ສະນັ້ນ, ຈຶ່ງສະເໜີໃຫ້ພາກສ່ວນທີ່ກ່ຽວຂ້ອງຂອງລັດຈົ່ງວາງແຜນອົບຮົມໃຫ້ບັນດາຫົວໜ້າສະມາຄົມຈີນຕ່າງດ້າວ, ການນຳຄຸ້ມຄອງ ແລະຄູສອນຂອງໂຮງຮຽນຈີນ ເພື່ອສົ່ງເສີມຜູ້ສືບທອດວັດທະນະທຳຈີນຢູ່ຕ່າງປະເທດ.
