ທ່ານໝາວເຊິ້ງຢົງ ໂຄສົກອົງການສະຖິຕິແຫ່ງຊາດຈີນ ກ່າວໃນພິທີຖະແຫຼງຂ່າວຂອງຫ້ອງການຖະແຫຼງຂ່າວລັດຖະບານຈີນໃນວັນທີ 14 ມີນານີ້ວ່າ: ສອງເດືອນທຳອິດປີນີ້, ເສດຖະກິດຈີນສືບຕໍ່ມີຈັງຫວະພັດທະນາທີ່ດີໃນສະພາບທີ່ໝັ້ນທ່ຽງ ຈຶ່ງເຫັນວ່າເປັນການເລີ່ມຕົ້ນທີ່ດີ.
ຂ່າວລາຍງານຕື່ມວ່າ ຂໍ້ມູນທາງການໄດ້ສະແດງໃຫ້ເຫັນວ່າ ການຍົກລະດັບການບໍລິໂພກມີບົດບາດນຳພາຕໍ່ເສດຖະກິດຈີນເພີ່ມຂຶ້ນເລື້ອຍໆ ໂດຍສອງເດືອນທຳອິດປີນີ້, ຍອດມູນຄ່າຂາຍຍ່ອຍເຄື່ອງອຸປະໂພກບໍລິໂພກໃນສັງຄົມບັນລຸເຖິງ 6.108 ຕື້ 200 ລ້ານຢວນ ເພີ່ມຂຶ້ນ 9,7% ເມື່ອທຽບໃສ່ໄລຍະດຽວກັນຂອງປີຜ່ານມາ, ຈັງຫວະການເຕີບໂຕໄວກວ່າໄລຍະດຽວກັນຂອງປີຜ່ານມາ 0,2 ຈຸດ.
