ອົງການອະນາໄມໂລກສະໜອງທຶນ 20 ຕື້ກິບເພື່ອສະໜັບສະໜູນການພັດທະນາຂົງເຂດສາທາລະນະສຸກຂອງປະເທດລາວ
2018-03-14 15:41:24 cri
ໜັງສືພິມວຽງຈັນທາມສ໌ສະບັບວັນທີ 13 ມີນານີ້ລາຍງານວ່າ, ວັນທີ 12 ມີນານີ້, ກະຊວງສາທາລະນະສຸກຂອງລາວແລະອົງການອະນາໄມໂລກໄດ້ລົງນາມໃນແຜນການຮ່ວມມືປີ 2018. ອີງຕາມແຜນການດັ່ງກ່າວ, ອົງການອະນາໄມໂລກຈະສະໜອງທຶນ 20 ຕື້ກີບເພື່ອໃຊ້ໃນການພັດທະນາຂົງເຂດສາທາລະນະສຸກຂອງລາວ, ຕົ້ນຕໍຈະນຳໃຊ້ໃນການຕິດຕາມແລະຮັບມືກັບພະຍາດຕິດແປດ, ການຮັກສາສຸຂະພາບຂອງແມ່ແລະລູກອ່ອນ, ການສັກຢາວັກແຊງປ້ອງກັນພະຍາດແລະອື່ນໆ. ທຶນດັ່ງກ່າວຖ້າທຽບໃສ່ປີ 2017 ເພີ່ມຂຶ້ນປະມານ 14%.
