ວັນທີ 13 ມີນານີ້, ອົງການເກືອດຫ້າມອາວຸດເຄມີທີ່ຕັ້ງຢູ່ແຂວງເດນຮາກປະເທດໂຮນລັງໄດ້ອອກຖະແຫຼງການວ່າ: ທ່ານອາເມດ ອູມຊູກູ ເຈົ້າໜ້າທີ່ອົງການເກືອດຫ້າມອາວຸດເຄມີໄດ້ສະແດງຄວາມຊົມເຊີຍຕໍ່ອີຣັກທີ່ທຳລາຍອາວຸດເຄມີຢ່າງຮອບດ້ານ.
ໃນມື້ດຽວກັນ, ທ່ານອູມຊູກູໄດ້ພົບປະກັບຄະນະຜູ້ແທນລັດຖະບານອີຣັກ ແລະກ່າວວ່າ: ຂ້າພະເຈົ້າຂໍສະແດງຄວາມຊົມເຊີຍຕໍ່ໝາກຜົນທີ່ພົ້ນເດັ່ນຂອງລັດຖະບານອີຣັກທີ່ພະຍາຍາມໃນການປະຕິບັດພັນທະທີ່ກຳນົດໄວ້ໃນສັນຍາເກືອດຫ້າມອາວຸດເຄມີ ແລະຮັບປະກັນການທຳລາຍອາວຸດເຄມີຢ່າງຮອບດ້ານ.
ຖະແຫຼງການຢືນຢັ້ນວ່າ: ສິ່ງກໍ່ສ້າງໃນການຜະລິດອາວຸດເຄມີຈຳນວນ 4 ແຫ່ງພາຍໃນປະເທດອີຣັກໄດ້ຖືກທຳລາຍຢ່າງຮອບດ້ານ ແລະອຸປະກອນການຜະລິດອາວຸດເຄມີໃນສິ່ງກໍ່ສ້າງແຫ່ງໜຶ່ງຈະໄດ້ຮັບການສ້ອມແປງ ແລະນຳໃຊ້ໃນຂົງເຂດອື່ນໆທີ່ອະນຸຍາດໂດຍສັນຍາເກືອດຫ້າມອາວຸດເຄມີ, ແລ້ວອົງການເກືອດຫ້າມອາວຸດເຄມີຈະເປັນຜູ້ດຳເນີນການກວດກາ.
 |
