ວັນທີ 14 ມີນານີ້, ທ່ານມາຈິດ ຢາຮີອາ ຜູ້ຕາງໜ້າອົງການອາຫານໂລກສະຫະປະຊາຊາດປະຈຳຊອກດານີໄດ້ຍ້ອງຍໍລັດຖະບານຈີນທີ່ຊ່ວຍເຫຼືອຊາວອົບພະຍົບຊີຣີຢ່າງເອື້ອເພື້ອເຜື່ອແຜ່ ທັງຢືນຢັນວ່າ ເງິນຊ່ວຍເຫຼືອຂອງຈີນໄດ້ປະກອບສ່ວນເຂົ້າໃນການຈັດຕັ້ງປະຕິບັດໜ້າທີ່ວຽກງານຂອງອົງການອາຫານໂລກຢູ່ຊອກດານີຢ່າງຫຼວງຫຼາຍ.
ຕອນເຊົ້າວັນທີ 14 ມີນານີ້, ສຳນັກງານອົງການອາຫານໂລກປະຈຳຊອກດານີໄດ້ຈັດພິທີລົງນາມເອກະສານມອບຮັບເງິນຊ່ວຍເຫຼືອ. ທ່ານຢາຮີອາປະກອບຄຳເຫັນໃນພິທີດັ່ງກ່າວວ່າ: ຈີນໄດ້ສ້າງແບບຢ່າງທີ່ດີໃຫ້ແກ່ປະເທດອື່ນແລະຫວັງວ່າຈະມີຫຼາຍໆປະເທດໃຊ້ການກະທຳຕົວຈິງຄືຈີນເພື່ອຮ່ວມກັບອົງການອາຫານໂລກປະກອບສ່ວນເຂົ້າໃນວຽກງານຊ່ວຍເຫຼືອທາງມະນຸດສະທຳ.
ເດືອນກັນຍາປີ 2016, ລັດຖະບານຈີນໄດ້ເຊັນສັນຍາຊ່ວຍເຫຼືອລ້າ2 ລ້ານໂດລາສະຫະລັດກັບອົງການອາຫານໂລກເພື່ອສະໜັບສະໜູນອົງການດັ່ງກ່າວສະໜອງສະບຽງອາຫານແລະຜະລິດຕະພັນສານອາຫານໃຫ້ຊາວອົບພະຍົບຊີຮີຢູ່ລີບັງແລະຊອກດານີ,ໃນນີ້, ຊອກດານີໄດ້ຮັບທຶນ 1 ລ້ານ 5 ແສນໂດລາສະຫະລັດ.
 |
