ທ່ານຕີວັນນາ ຫົວໜ້າພະແນກສິລະປະວັດທະນະທຳແຂວງກຣະເຕປະເທດກຳປູເຈຍໄດ້ຢືນຢັນໃນໂອກາດເຂົ້າຮ່ວມເທດສະການວັດທະນະທຳແຫ່ງຊາດວ່າ: ຢູ່ເມືອງຊຳບໍແຂວງຕົນໄດ້ພົບຮ່ອງຮອຍບູຮານສະຖານ 6 ແຫ່ງ ແລະປັດຈຸບັນ ກຳລັງປະຕິບັດການສຶກສາຄົ້ນຄວ້າແລະອະນຸລັກຮ່ອງຮອຍບູຮານສະຖານເຫຼົ່ານີ້.
ທ່ານຕີວັນນາຢືນຢັນວ່າ ຮ່ອງຮອຍບູຮານສະຖານ 6 ແຫ່ງດັ່ງກ່າວໄດ້ຖືກພົບເຫັນຢູ່ເມືອງຊຳບໍ. ທ່ານຮຽກຮ້ອງໃຫ້ປະຊາຊົນໂດຍສະເພາະຊາວໜຸ່ມຄວນຮັກວັດທະນະທຳຂອງຊາດຕົນແລະມີສ່ວນຮ່ວມໃນການເຊີດຊູແລະອະນຸລັກຮັກສາວັດທະນະທຳຂອງຊາດ.
ແຂວງກຣໍແຈະຕັ້ງຢູ່ພາກຕາເວັນອອກສຽງເໜືອກຳປູເຈຍ, ມີຊາຍແດນຕິດກັບຫວຽດນາມ, ມີແມ່ນ້ຳຂອງໄຫຼຜ່ານແຂວງດັ່ງກ່າວແຕ່ເໜືອຮອດໃຕ້. ຊ່ຽວຊານ ຢືນຢັນວ່າ ການພົບຮ່ອງຮອຍບູຮານສະຖານ 6 ແຫ່ງເທື່ອນີ້ມີຄຸນຄ່າທາງດ້ານການອະນຸລັກຮັກສາ ແຕ່ມັນເປັນບູຮານສະຖານໃນຍຸກໃດນັ້ນຍັງຕ້ອງໃຫ້ຊ່ຽວຊານສຶກສາຄົ້ນຄວ້າຕື່ມ.
