ກອງປະຊຸມເທື່ອທີ 1 ຂອງສະພາປຶກສາການເມືອງປະຊາຊົນແຫ່ງຊາດຈີນໄດ້ອັດລົງໃນວັນທີ 15 ມີນານີ້ຢູ່ນະຄອນຫຼວງປັກກິ່ງໂດຍມີຜູ້ນຳພັກ-ລັດເຊັ່ນທ່ານສີຈິ້ນຜິງເຂົ້າຮ່ວມ. ໂອກາດປະກອບຄຳເຫັນໃນກອງປະຊຸມ, ທ່ານວ່າງຢາງ ປະທານສະພາປຶກສາການເມືອງປະຊາຊົນແຫ່ງຊາດຈີນຄົນໃໝ່ກ່າວເນັ້ນວ່າ: ສະພາປຶກສາການເມືອງປະຊາຊົນຕ້ອງຕັ້ງໃຈສຶກສາຄົ້ນຄວ້າແລະຜັນຂະຫຍາຍເນື້ອໃນຈິດໃຈຂອງກອງປະຊຸມໃຫຍ່ຄັ້ງທີ 19 ຂອງພັກກອມມູນິດຈີນ, ຖືແນວຄິດສີຈິ້ນຜິງກ່ຽວກັບສັງຄົມນິຍົມທີ່ມີສີສັນພິເສດຂອງຈີນໃນຍຸກໃໝ່ເປັນໂຄງການລວມໃນການຊີ້ນຳນຳພາວຽກງານທຸກດ້ານໃຫ້ເປັນເອກະພາບກັນ, ຍຶດໝັ້ນການນຳພາຂອງພັກກອມມູນິດຈີນ,ຍຶດໝັ້ນຖານະລັກສະນະທາດແທ້ຂອງສະພາປຶກສາການເມືອງປະຊາຊົນ, ປະຕິບັດໜ້າທີ່ຕຳແໜ່ງຢ່າງຊື່ສັດດ້ວຍຄວາມຮັບຜິດຊອບສູງ, ຂຽນໜ້າໃໝ່ແຫ່ງປະຫວັດສາດຂອງການພັດທະນາວຽກງານສະພາປຶກສາການເມືອງປະຊາຊົນໃນຍຸກໃໝ່.
ກອງປະຊຸມໄດ້ຮັບຮອງເອົາມະຕິກ່ຽວກັບບົດລາຍງານວຽກງານຄະນະປະຈຳສະພາປຶກສາການເມືອງປະຊາຊົນແຫ່ງຊາດຂອງກອງປະຊຸມຄັ້ງນີ້, ມະຕິວ່າດ້ວຍກົດລະບຽບສະພາປຶກສາການເມືອງປະຊາຊົນແຫ່ງຊາດຈີນສະບັບປັບປຸງ, ບົດລາຍງານສະພາບສຳຫຼວດກວດກາຍັດຕິຂອງຄະນະກຳມະການສຳຫຼວດກວດກາຍັດຕິແລະມະຕິການເມືອງຂອງກອງປະຊຸມຄັ້ງນີ້.
