ວັນທີ 14 ມີນານີ້, ທ່ານໂຣດຣິໂກ ດູເຕີເຕ ປະທານາທິບໍດີຟີລິບປິນປະກາດວ່າ, ຍ້ອນວ່າສານອາຍາສາກົນ " ໂຈມຕີ " ຕົນແລະລັດຖະບານຟີລິບປິນເມື່ອບໍ່ດົນມານີ້, ສະນັ້ນ, ຟີລິບປິນຈະຖອນອອກຈາກສານອາຍາສາກົນ.
ເດືອນກຸມພາປີນີ້, ສານອາຍາສາກົນທີ່ມີສຳນັກງານໃຫຍ່ຕັ້ງຢູ່ລາໄຮຂອງໂຮນລັງແຈ້ງໃຫ້ລັດຖະບານຟີລິບປິນຊາບວ່າ, ຈະ ສຳຫຼວດໃນເບື້ອງຕົ້ນກ່ຽວກັບການເຄື່ອນໄຫວໂຈມຕີຜູ້ທີ່ກ່ຽວຂ້ອງກັບຢາເສບຕິດທີ່ນຳໂດຍທ່ານດູເຕເຕມີການກະທຳທີ່ລະເມີດສິດທິມະນຸດຫຼືບໍ່.
ທ່ານດູເຕີເຕກ່າວວ່າ, ສານອາຍາສາກົນໄດ້ກາຍເປັນເຄື່ອງມືທາງການເມືອງທີ່ແນໃສ່ຟີລິບປິນ, ການເຄື່ອນໄວທີ່ຟີລິບປິນໂຈມຕີຜູ້ກໍ່ອາຊະຍາກຳທີ່ຕິດພັນກັບຢາເສບຕິດບໍ່ແມ່ນການດັບສູນຊົນເຜົ່າແລະອາຊະຍາກຳສົງຄາມເປັນຕົ້ນ, ເຫດການຄົນຕາຍໃນການເຄື່ອນໄຫວປາບຢາເສບຕິດກໍ່ບໍ່ແມ່ນການວາງແຜນລອບສັງຫານ, ສານອາຍາສາກົນບໍ່ມີສິດຄອບຄອງທາງຕຸລາການ.
;ພາຍຫຼັງຖະແຫຼງການດັ່ງກ່າວປະກາດແລ້ວ, ໂຄສົກຂອງປະທານາທິບໍດີຟີລິບປິນຢືນຢັນວ່າ, ທ່ານດູເດີເຕໄດ້ສັ່ງໃຫ້ເຈົ້າໜ້າທີ່ກ່ຽວຂ້ອງແຈ້ງໃຫ້ສະຫະປະຊາຊາດຊາບວ່າ, ຟີລິບປິນຈະຖອນອອກຈາກ ສັນຍາໂຣມຂອງສານອາຍາສາກົນ.
