ວັນທີ 14 ມີນານີ້, ທ່ານນາງເທເຣຊາ ເມ ນາຍົກລັດຖະມົນຕີອັງກິດກ່າວວ່າ, ອັງກິດໄດ້ຕົກລົງນຳໃຊ້ມາດຕະການຕ່າງໆລວມທັງຈະຂັບໄລ່ ເຈົ້າໜ້າທີ່ການຣັດເຊຍ 23 ຄົນ, ເພື່ອຕອບໂຕ້ຣັດເຊຍທີ່ຖືກສົງໄສວ່າລອບຂ້າອະດີດນັກສືບຂອງຣັດເຊຍຢູ່ອັງກິດ.
ໃນວັນດັ່ງກ່າວ, ຢູ່ສະພາຕ່ຳ, ທ່ານນາງເມອ່ານຖະແຫຼງການວ່າ, ເຈົ້າໜ້າທີ່ການທູດທີ່ຖືກຂັບໄລ່ຕ້ອງອອກຈາກອັງກິດພາຍໃນໜຶ່ງອາທິດ . ມາດຕະການຕອບໂຕ້ອື່ນໆລວມທັງ: ຢຸດແຜນການເຄື່ອນໄຫວທຸກຢ່າງລະຫວ່າງການນຳຂັ້ນສູງອັງກິດຣັດເຊຍ, ລວມທັງຍົກເລີກກອງປະຊຸມລະຫວ່າງຝ່າຍອັງກິດກັບທ່ານເຊເກ ລາວຼົຟ ລັດຖະມົນຕີການຕ່າງປະເທດຣັດເຊຍທີ່ກຳນົດຈະຈັດຂຶ້ນຢູ່ອັງກິດ.
ມື້ດຽວກັນ, ກະຊວງການຕ່າງປະເທດອັງກິດກ່າວວ່າ, ອັງກິດໄດ້ຮ້ອງຂໍໃຫ້ສະພາຄວາມໝັ້ນຄົງອົງການສະຫະປະຊາຊາດຈັດກອງປະຊຸມສຸກເສີນເພື່ອຫາລືເຫດການທີ່ອະດີດນັກສືບຣັດເຊຍຖືກວາງສານພິດ.
