ວັນທີ 14 ມີນານີ້, ທ່ານລູ້ຄ່າງ ໂຄສົກກະຊວງການຕ່າງປະເທດຈີນກ່າວໃນກອງປະຊຸມຂ່າວທີ່ຈັດຂຶ້ນຢູ່ນະຄອນຫຼວງປັກກິ່ງວ່າ: ທ່ານຮໍກີງເປັນນັກວິທະຍາສາດດີເດັ່ນ, ຂ້າພະເຈົ້າຂໍສະແດງຄວາມເສຍໃຈ ແລະໄວ້ອາໄລຕໍ່ການເຖິງແກ່ກຳຂອງທ່ານ.
ຂ່າວລາຍງານວ່າ: ທ່ານສຕີເຟັນ ຮໍກີງ ນັກຟິຊິກວິທະຍາປະເທດອັງກິດໄດ້ເຖິງແກ່ກຳໃນວັນທີ 14 ມີນານີ້ ລວມອາຍຸໄດ້ 76 ປີ.
ເມື່ອຕອບຄຳຖາມທີ່ກ່ຽວຂ້ອງ, ທ່ານລູ້ຄ່າງກ່າວວ່າ: ທ່ານຮໍກີງເປັນນັກວິທະຍາສາດດີເດັ່ນ ທີ່ຕໍ່ສູ້ກັບພະຍາດເກີດຂຶ້ນກັບຕົນຢ່າງກ້າຫານ ແລະໄດ້ປະກອບສ່ວນສຳຄັນຕໍ່ວຽກງານວິທະຍາສາດ ແລະມວນມະນຸດ. ທ່ານຮໍກີງເຄີຍມາຢ້ຽມຢາມປະເທດຈີນ 3 ເທື່ອແລ້ວ ແລະທ່ານໄດ້ຕີລາຄາສູງຕໍ່ຄວາມກ້າວໜ້າທາງດ້ານເຕັກນິກວິທະຍາສາດຂອງຈີນ. ແລະທ່ານກໍມັກວັດທະນະທຳຈີນອີກດ້ວຍ. ຂ້າພະເຈົ້າຂໍສະແດງຄວາມເສຍໃຈ ແລະໄວ້ອາໄລຢ່າງສຸດຊຶ້ງຕໍ່ການເຖິງແກ່ກຳຂອງທ່ານ ແລະພ້ອມທັງສະແດງຄວາມເຫັນໃຈຕໍ່ຄອບຄົວຂອງທ່ານ. ແລະຜົນງານທ່ານຮໍກີງຈະຢູ່ໃນດວງໃຈຂອງພວກເຮົາຕະຫຼອດໄປ.
 |
