ການສຳມະນາ "ອະນາຄົດແລວທາງເສດຖະກິດພາກຕາເວັນອອກກັບການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງ: ໂອກາດການລົງທຶນຂອງນັກທຸລະກິດຈີນຢູ່ໄທ"ໄດ້ຈັດຂຶ້ນຢູ່ນະຄອນຫຼວງບາງກອກໃນວັນທີ 15 ມີນານີ້.
ທ່ານນາງຈ່າງໄພ້ຕຸ່ງ ທີ່ປຶກສາເສດຖະກິດການຄ້າສະຖານທູດຈີນປະຈຳໄທປະກອບຄຳເຫັນວ່າ: ລັດຖະບານຈີນສົ່ງເສີມວິສາຫະກິດປະເທດຕົນໄປລົງທຶນຢູ່ໄທ, ຫວັງວ່າ ໄປພ້ອມໆກັບການດຳເນີນການຮ່ວມມືໃນອະນຸພາກພື້ນແມ່ນ້ຳຂອງ-ແມ່ນ້ຳລ້ານຊ້າງແລະການຈັດຕັ້ງປະຕິບັດໂຄງການແລວທາງເສດຖະກິດພາກຕາເວັນອອກ, ສອງປະເທດຈີນ-ໄທຈະສືບຕໍ່ລົງເລິກແລກປ່ຽນ, ຖອດຖອນບົດຮຽນເຊິ່ງກັນແລະກັນ ເພື່ອເພີ່ມພະລັງແຮງໃໝ່ເຂົ້າໃນການຊຸກຍູ້ການພັດທະນາປະເທດໃຜລາວ.
ນັກທຸລະກິດໄທທີ່ເຂົ້າຮ່ວມການສຳມະນາກໍຢືນຢັນວ່າ ການເຊື່ອມຕໍ່ເຂົ້າກັນລະຫວ່າງຂໍ້ລິເລີ່ມ "ໜຶ່ງແລວໜຶ່ງເສັ້ນທາງ"ກັບແລວທາງເສດຖະກິດພາກຕາເວັນອອກຂອງໄທຈະສ້າງໂອກາດດ້ານການລົງທຶນແລະເສດຖະກິດການຄ້າໃຫ້ຫຼາຍກວ່າເກົ່າ.
ການສຳມະນາຄັ້ງນີ້ຈັດຂຶ້ນໂດຍທະນາຄານກະສິກອນໄທ ເພື່ອຄົ້ນຄວ້າໂອກາດການຄ້າໃໝ່ທີ່ເກີດຈາກຂໍ້ລິເລີ່ມ "ໜຶ່ງແລວໜຶ່ງເສັ້ນທາງ",ການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງແລະແລວທາງເສດຖະກິດພາກຕາເວັນອອກປະເທດໄທແລະອື່ນໆ.
