ວັນທີ 16 ມີນານີ້ ທ່ານຈອນ ສຸລິເວີນ ຮອງລັດຖະມົນຕີກະຊວງການຕ່າງປະເທດອາເມລິກາໄດ້ແຍກກັນພົບປະກັບທ່ານທາໂຣະ ໂຄໂນະ ລັດຖະມົນຕີກະຊວງການຕ່າງປະເທດຍິ່ປຸ່ນແລະທ່ານຄາງຄີງວາ ລັດຖະມົນຕີກະຊວງການຕ່າງປະເທດສ.ເກົາຫຼີທີ່ໄປຢ້ຽມຢາມຢູ່ນະຄອນຫຼວງວໍຊິງຕັນ. ສາມຝ່າຍລ້ວນແຕ່ກ່າວວ່າ, ຈະສືບຕໍ່ເພີ່ມຄວາມກົດດັນຕໍ່ສປປເກົາຫຼີອີກ, ຈົນຮອດໄລຍະທີ່ເຫັນວ່າສປປເກົາຫຼີມີມາດຕະການປະລະອາວຸດນິວເຄຼຍທີ່ໄວ້ໃຈໄດ້, ກວດກາໄດ້ແລະເປັນລະອຽດ.
ມື້ດຽວກັນ ເຈົ້າໜ້າທີ່ທຳນຽບຂາວອາເມລິກາອອກຖະແຫຼງການວ່າ, ທ່ານໂດນັນ ທຣຳ ປະທານາທິບໍດີອາເມລິກາໄດ້ໂທລະສັບລົມກັບທ່ານມູນແຈອິນ ປະທານາທິບໍດີສ.ເກົາຫຼີໃນມື້ດຽວກັນ ແລະສອງຝ່າຍກ່າວວ່າ ການກະທຳຕົວຈິງແມ່ນສຳຄັນທີ່ສຸດຕໍ່ການບັນລຸໃຫ້ແຫຼມເກົາຫຼີປອດອາວຸດນິວເຄຼຍ, ສອງຝ່າຍສະແດງຄວາມເຫັນໄປໃນແງ່ດີຢ່າງລະມັດລະວັງຕໍ່ສະຖານະການແຫຼມເກົາຫຼີຜ່ອນຄາຍລົງໃນໄລຍະມໍ່ໆມານີ້. ທ່ານທຣຳຍັງເນັ້ນຄວາມຫວັງຂອງຕົນທີ່ຢາກພົບປະກັບທ່ານກິມເຈີງອິນ ຜູ້ນຳສູງສຸດສປປເກົາຫຼີກ່ອນທ້າຍເດືອນພຶດສະພາປີນີ້.
ຕອນຄ່ຳວັນທີ 8 ມີນານີ້ ເຈົ້າໜ້າທີ່ທຳນຽບຂາວຢືນຢັນວ່າ, ທ່ານທຣຳເຫັນດີພົບປະກັບທ່ານກິມເຈີງອິນ, ແຕ່ບໍ່ທັນຕົກລົງເວລາແລະສະຖານທີ່ລະອຽດເທື່ອ.
 |
