ໃນເວລາເຂົ້າຮ່ວມກອງປະຊຸມຖະແຫຼງຂ່າວທີ່ຈັດຂຶ້ນຢູ່ນະຄອນຫຼວງຢາກາກຕາປະເທດອິນໂດເນເຊຍໃນວັນທີ 15 ມີນານີ້, ທ່ານລູດີ ມັນທາລາ ລັດຖະມົນຕີກະຊວງເຕັກນິກໂທລະຄົມແລະຂໍ້ມູນຂ່າວສານອິນໂດເນເຊຍໄດ້ກ່າວວ່າ, ອິນໂດເນເຊຍຄວນຖອດຖອນບົດຮຽນຈາກຈີນ, ບົດຮຽນຂອງຈີນເໝາະສົມກັບສະພາບການແຫ່ງຊາດຂອງອິນໂດເນເຊຍຫຼາຍກວ່າ.
ມື້ດຽວກັນ, Alibaba Cloud Computing ບໍລິສັດຄິດໄລ່ທາງຄລາວຂອງກຸ່ມອາລິບາບາໄດ້ຈັດກອງປະຊຸມຖະແຫຼງຂ່າວຢູ່ທີ່ຢາກາກຕາ ໂດຍປະກາດວ່າ ເຂດບໍລິການອິນໂດເນເຊຍຂອງກູ່ມອາລີບາບາເລີ່ມເປີດນຳໃຊ້ຢ່າງເປັນທາງການ, ເພື່ອສະໜອງຜະລິດຕະພັນຕ່າງໆເຊັ່ນ ສາງຂໍ້ມູນຂ່າວສານ, ຄວາມປອດໄພທາງອິນເຕີເນັດ, ຮຸ່ນຍົນອັດສະລິຍະ ແລະອື່ນໆໃຫ້ຕະຫຼາດອິນໂດເນເຊຍ, ຕອບສະໜອງຄວາມຕ້ອງການຂອງຫຼາຍຂະແໜງການຄື ທຸລະກິດເອເລັກໂຕຼນິກ, ສື່ມວນຊົນ, ເຕັກນິກວິທະຍາສາດທາງການທະນາຄານ ແລະອື່ນໆ. ເຂດບໍລິການອິນໂດເນເຊຍແມ່ນເຂດທີສາມຂອງກຸ່ມອາລີບາບາທີ່ເປີດນຳໃຊ້ຢູ່ອາຊີຕາເວັນອອກສຽງໃຕ້ ຫຼັງຈາກສິງກະໂປແລະມາເລເຊຍ, ກໍແມ່ນເຂດທີ 18 ແຫ່ງຂອງກຸ່ມອາລີບາບາທີ່ເປີດການບໍລິການໃນທົ່ວໂລກ.
ທ່ານລູຕີ ອັນທາລາກ່າວວ່າ, ອິນໂດເນເຊຍມີວິສາຫະກິດຂະໜາດກາງແລະນ້ອຍ 15 ລ້ານກວ່າແຫ່ງ, ເຊິ່ງເປັນກຳລັງທີ່ສຳຄັນໃນການຊຸກຍູ້ເສດຖະກິດອິນໂດເນເຊນເພີ່ມຂຶ້ນ. ການເຕີບໃຫຍ່ຂອງວິສາຫະກິດຂະໜາດກາງແລະນ້ອຍຂອງອິນໂດເນເຊຍຕ້ອງການກຳລັງຊຸກຍູ້ຈາກການຄິດໄລ່ຄລາວ, ພື້ນຖານໂຄງລ່າງທາງອິນເຕີເນັດທີ່ດີກວ່າເກົ່າຈະຊ່ວຍໃຫ້ເຂົາເຈົ້າເປີດກວ້າງຕະຫຼາດ, ແລະຍົກສູງກຳລັງແກ່ງແຍ່ງດ້ານເສດຖະກິດຂອງປະເທດໃຫ້ສູງຂຶ້ນ.
 |
