ເວລາ 9 ໂມງຂອງວັນທີ 18 ມີນານີ້, ກອງປະຊຸມເທື່ອທີ 1 ຂອງສະພາປະຊາຊົນແຫ່ງຊາດຈີນຊຸດທີ 13 ໄດ້ຈັດກອງປະຊຸມຄົບຄະນະເທື່ອທີ 6 ໂດຍລົງຄະແນນສຽງຕົກລົງໃຫ້ທ່ານຫຼີເຄີ້ສຽງດຳລົງຕຳແໜ່ງເປັນນາຍົກລັດຖະມົນຕີແຫ່ງສາທາລະນະລັດປະຊາຊົນຈີນ. ທ່ານສີຈິ້ນຜິງ ປະທານປະເທດຈີນໄດ້ລົງນາມໃນດຳລັດປະທານປະເທດໂດຍແຕ່ງຕັ້ງທ່ານຫຼີເຄີ້ສຽງເປັນນາຍົກລັດຖະມົນຕີແຫ່ງສາທາລະນະລັດປະຊາຊົນຈີນ.
ກອງປະຊຸມໄດ້ເລືອກຕັ້ງທ່ານຢາງສຽວຕູ້ໃຫ້ດຳລົງຕຳແໜ່ງເປັນປະທານຄະນະກຳມະການກວດກາແຫ່ງລັດຈີນ. ເລືອກຕັ້ງທ່ານສີວ໌ສີລ້ຽງ, ທ່ານຈ່າງໂຢ້ວເສຍໃຫ້ເປັນຮອງປະທານຄະນະກຳມະການການທະຫານສູນກາງຈີນ, ເລືອກຕັ້ງທ່ານໂຈ່ວສຽງ ເປັນປະທານສານປະຊາຊົນສູງສຸດ, ທ່ານຈ່າງຈຸ່ນ ເປັນປະທານໄອຍະການປະຊາຊົນສູງສຸດ.
ຫຼັງຈາກສຳເລັດວາລະປະຊຸມທຸກປະການແລ້ວ, ທ່ານຫຼີເຄີ້ສຽງ, ທ່ານຢາງສຽວຕູ້ ແລະທ່ານອື່ນໆໄດ້ສາບານຕົວຕໍ່ລັດຖະທຳມະນູນ.
