ທ່ານປູຕິນໄດ້ຄະແນນສຽງຫຼາຍກວ່າໝູ່ໃນການເລືອກຕັ້ງປະທານາທິບໍດີຣັດເຊຍ

ເວລາ 22 ໂມງ20 ນາທີ ຂອງວັນທີ 18 ມີນານີ້ ຕາມເວລາມົສກູ, ຄະນະກຳມະການເລືອກຕັ້ງສູນກາງຣັດເຊຍໄດ້ເປີດເຜີຍວ່າ: ໃນບັດເລືອກຕັ້ງປະທານາທິບໍດີ 35% ທີ່ໄດ້ນັບແລ້ວນັ້ນ, ທ່ານວລາດີເມຍ ປູຕິນ ປະທານາທິບໍດີຣັດເຊຍຄົນປັດຈຸບັນໄດ້ຮັບຄະແນນສຽງເຖິງ 73,73% ຖືວ່າຫຼາຍກວ່າໝູ່ໃນບັນດາຜູ້ສະໝັກຮັບເລືອກຕັ້ງທັງໝົດ, ສ່ວນທ່ານປາເວລ ກຣູດິນິນ ຜູ້ສະໝັກຮັບເລືອກຕັ້ງຈາກພັກກອມມູນິດຣັດເຊຍ ໄດ້ຄະແນນສຽງ 14,42% ເປັນທີສອງ, ທ່ານຈີຣິນົຟສະກີ  ປະທານພັກເສລີປະຊາທິປະໄຕຣັດເຊຍໄດ້ຄະແນນສຽງ 6,6% ເປັນທີສາມ.

ຕາມກົດລະບຽບການເລືອກຕັ້ງປະທານາທິບໍດີຣັດເຊຍ, ຜູ້ທີ່ໄດ້ຮັບຄະແນນສຽງ 50% ຂຶ້ນໄປຈະໄດ້ດຳລົງຕຳແໜ່ງເປັນປະທານາທິບໍດີ. ສຳລັບຜົນການນັບບັດເລືອກຕັ້ງປະທານາທິບໍດີຄັ້ງສຸດທ້າຍຄາດວ່າຈະເປີດເຜີຍໃນວັນທີ 19 ມີນານີ້.