ວັນທີ 17 ມີນານີ້, ທ່ານ ຫຼູຈ້ຽນ ເອກອັກຄະລັດຖະທູດຈີນປະຈຳໄທ ໄດ້ຢ້ຽມຢາມວິທະຍາຄານປ້ອງກັນປະເທດໄທ ເພື່ອບັນລະຍາຍກອງປະຊຸມໃຫຍ່ພັກກອມມູນິດຈີນຄັ້ງທີ 19, ການພັດທະນາສາຍພົວພັນຈີນ-ໄທໃນອະນາຄົດ ແລະບັນຫາອື່ນໆ ໃຫ້ຊຸດອົບຮົມການຄຸ້ມຄອງຄວາມໝັ້ນຄົງລະດັບສູງຊຸດທີ 9 ຂອງວິທະຍາຄານດັ່ງກ່າວ.
ທ່ານ ຫຼູຈ້ຽນ ໄດ້ບັນລະຍາຍຢ່າງເລິກເຊິ່ງແລະລະອຽດໂດຍປິ່ນອ້ອມບັນຫາຍ່ອຍຕ່າງໆ ເປັນຕົ້ນ: ເນື້ອໃນຄວາມໝາຍທາງຍຸດທະສາດຂອງ "ຍຸກໃໝ່", ໂອກາດທີ່ນຳມາສູ່ປະເທດອ້ອມຂ້າງ, ຈະເຮັດແນວໃດເພື່ອຍົກສູງລະດັບການຮ່ວມມືຈີນ-ໄທ ແລະອື່ນໆ, ທັງໄດ້ປະສານສົມທົບກັບການປະຕິຮູບແລະໄຂປະຕູສູ່ພາຍນອກຂອງຈີນຄົບຮອບ 40 ປີ ແລະການສະເໜີຂໍ້ລິເລີ່ມ "ໜຶ່ງແລວໜຶ່ງເສັ້ນທາງ" ຄົບຮອບ 5 ປີ, ບັນລະຍາຍທັດສະນະຄະຕິໃໝ່ດ້ານການພັດທະນາຂອງຈີນຄື: ປະດິດສ້າງໃໝ່, ປະສານສົມທົບກັນ, ສີຂຽວ, ເປີດປະຕູ ແລະຮ່ວມກັນຊົມໃຊ້ ດ້ວຍຂໍ້ມູນທີ່ລະອຽດແລະຕົວຢ່າງທີ່ອຸດົມສົມບູນ.
ທ່ານ ຫຼູຈ້ຽນ ເນັ້ນວ່າ, ຈີນຈະອີງຕາມຍຸດທະສາດການພັດທະນາທີ່ປະກາດໂດຍທ່ານປະທານ ສີຈິ້ນຜິງ, ຜັນຂະຫຍາຍນະໂຍບາຍເປີດປະຕູສູ່ໂລກພາຍນອກຢ່າງເດັດດ່ຽວໜຽວແໜ້ນ, ສະໜັບສະໜັບຂະບວນການໂລກາພິວັດຢ່າງເດັດດ່ຽວໜຽວແໜ້ນ, ຊຸກຍູ້ການສ້າງປະຊາຄົມຮ່ວມຊາຕາກຳຂອງມວນມະນຸດຢ່າງເດັດດ່ຽວໜຽວແໜ້ນ. ການພັດທະນາຂອງຈີນ ເປັນໂອກາດ ແຕ່ບໍ່ແມ່ນການຂົ່ມຂູ່ຕໍ່ປະເທດອ້ອມຂ້າງ ແລະເປັນຄວາມໂຊກດີສຳລັບອາຊີກໍຄືທົ່ວໂລກ.
 |
