ວັນທີ 20 ມີນານີ້, ທ່ານ ຫຼີເຄີ້ສຽງ ນາຍົກລັດຖະມົນຕີຈີນໄດ້ກ່າວຢູ່ປັກກິ່ງວ່າ: ແຜ່ນດິນໃຫຍ່ຈີນບໍ່ສາມາດອົດທົນຕໍ່ເຈດຈຳນົງແລະຈຸດຢືນໃດໆທີ່ໃຫ້ໄຕ້ຫວັນເປັນເອກະລາດ ແລະກໍ່ບໍ່ອະນຸຍາດໃຫ້ກຳລັງຕ່າງປະເທດເຂົ້າແຊກແຊງໃນເລື່ອງນີ້ຢ່າງເດັດຂາດ.
ທ່ານ ຫຼີເຄີ້ສຽງ ກ່າວຕື່ມວ່າ: ການຮັກສາການພັດທະນາໂດຍສັນຕິລະຫວ່າງສອງຝັ່ງຊ່ອງແຄບແມ່ນແຫຼ່ງທີ່ມາແຫ່ງຄວາມສຸກຂອງປະຊາຊົນສອງຝັ່ງຊ່ອງແຄບ,ແຜ່ນດິນໃຫຍ່ຈີນຈະເດີນຕາມເສັ້ນທາງດັ່ງກ່າວຢ່າງເດັດດ່ຽວໜຽວແໜ້ນ ຂະນະດຽວກັນກໍ່ຍິນດີປຶກສາຫາລືແລະສົນທະນາກັບພັກການເມືອງແລະອົງການຈັດຕັ້ງທາງສັງຄົມຂອງໄຕ້ຫວັນທີ່ເຫັນພ້ອມ "ຄວາມເປັນເອກະພາບກັນປີ 1992" ເຊິ່ງສ່ອງແສງໃຫ້ເຫັນເຖິງຫຼັກການຈີນດຽວ,ຮ່ວມກັນຫາລືແກ້ໄຂບັນຫາທີ່ພີ່ນ້ອງຮ່ວມຊາດສອງຝັ່ງຊ່ອງແຄບສົນໃຈຮ່ວມກັນ,ປົກປັກຮັກສາການພົວພັນລະຫວ່າງສອງຝ່າຍໃຫ້ໄດ້ຮັບການພັດທະນາໂດຍສັນຕິ,ແລະໃນທີ່ສຸດຕ້ອງບັນລຸການທ້ອນໂຮມປະເທດເຂົ້າເປັນເອກະພາບໂດຍສັນຕິ.
 |
