ທ່ານຮັງຊຸນນາຣົນ ລັດຖະມົນຕີກະຊວງສຶກສາທິການຊາວໜຸ່ມແລະກິລາກຳປູເຈຍກ່າວຢູ່ນະຄອນຫຼວງພະນົມເປັນໃນວັນທີ 19 ມີນານີ້ວ່າ, ໂດຍຜ່ານຄວາມພະຍາຍາມຢ່າງບໍ່ລົດລະຂອງລັດຖະບານ, ປັດຈຸບັນໃນທົ່ວປະເທດກຳປູເຈຍໄດ້ສ້າງໂຮງຮຽນຂອງລັດຖະບານແລະ ເອກະຊົນຫຼາຍກວ່າ 1 ໝື່ນ 4 ພັນແຫ່ງ, ສຸມກຳລັງເພື່ອຍົກສູງອັດຕາໄດ້ຮັບການສຶກສາຂອງປະຊາຊົນ.
ທ່ານ ຮັງຊຸນນາຣົນ ກ່າວວ່າ, ອັດຕາເຂົ້າຮຽນຂອງເດັກນ້ອຍອາຍຸ 5 ປີໃນທົ່ວປະເທດເພີ່ມຂຶ້ນເປັນ 68,5%, ໃນນັ້ນ, ອັດຕາເຂົ້າຮຽນຂອງໂຮງຮຽນປະຖົມຂອງລັດແລະເອກະຊົນໄດ້ບັນລຸເຖິງ 97,8%.
ກ່ອນໜ້ານີ້, ທ່ານຮຸນແຊນ ນາຍົກລັດຖະມົນຕີກຳປູເຈຍເຄີຍກ່າວຢູ່ນະຄອນຫຼວງພະນົມເປັນວ່າ, ກຳປູເຈຍຄວນເພີ່ມງົບປະທານດ້ານການຄົ້ນຄວ້າວິທະຍາສາດ, ເພື່ອໄລ່ທັດການປະຕິວັດອຸດສາຫະກຳຄັ້ງທີ 4. ລັດຖະບານກຳປູເຈຍຈະເພີ່ມງົບປະມານການຄົ້ນຄວ້າວິທະຍາສາດ, ໂດຍຮອດປີ 2020 ງົບປະມານດັ່ງກ່າວຈະກວມ 0,2% ຂອງ GDP, ຮອດປີ 2025 ຈະເພີ່ມຂຶ້ນເປັນ 1%, ແລະຮອດປີ 2030 ຈະເພີ່ມຂຶ້ນເປັນ 1,5%.
 |
