ວັນທີ 19 ມີນານີ້, ທ່ານນາງ ຮ້ວາຊູ່ນຢີງ ໂຄສົກກະຊວງການຕ່າງປະເທດຈີນກ່າວໃນກອງປະຊຸມຂ່າວວ່າ: ອົງການສິດຊັບສິນທາງປັນຍາໂລກໄດ້ປະກາດວ່າ: ຈີນໄດ້ກາຍເປັນປະເທດທີ່ໄດ້ຮັບສິດຊັບສິນທາງປັນຍາຫຼາຍກວ່າໝູ່ໃນໂລກ. ທ່ານຢືນຢັນວ່າ: ຈີນກຳລັງເດັດດ່ຽວປະຕິບັດຍຸດທະສາດການພັດທະນາທີ່ຂັບເຄື່ອນໂດຍການປະດິດສ້າງໃໝ່ ແລະຫວັງວ່າຄວາມພະຍາຍາມ ແລະໝາກຜົນທີ່ບັນລຸໄດ້ຈະຖືກຍອມຮັບຈາກພາຍນອກຢ່າງພາວະວິໄສ ແລະມີຄວາມຍຸຕິທຳ.
ບົດລາຍງານຂອງອົງການສິດຊັບສິນທາງປັນຍາໂລກສະແດງໃຫ້ເຫັນວ່າ: ປະລິມານການຮ້ອງຂໍສິດທິບັດພາຍໃນປະເທດຈີນລື່ນຈຳນວນບວກເຂົ້າກັນຂອງອາເມລິກາ, ສະຫະພາບເອີຣົບ, ຍີ່ປຸ່ນ ແລະ ສ ເກົາຫຼີ. ແຕ່ຂະນະດຽວກັນ, ຍັງມີບາງປະເທດ ແລະບາງບຸກຄົນໄດ້ວິພາກວິຈານບັນຫາການຮັກສາສິດຊັບສິນທາງປັນຍາຂອງຈີນ, ຕໍ່ເລື່ອງນີ້, ທ່ານນາງ ຮ້ວາຊູ່ນຢີງ ໄດ້ຕອບບັນຫາທີ່ກ່ຽວຂ້ອງຢ່າງຊັດເຈນ.
 |
