ວັນທີ 20 ມີນານີ້, ສື່ມວນຊົນຝຣັ່ງໄດ້ອ້າງຕາມຂ່າວຈາກເຈົ້າໜ້າທີ່ຕຳຫຼວດວ່າ: ຍ້ອນຖືກສົງໄສວ່າຮັບສິນບົນທາງການເມືອງຈາກທ່ານ ມົວມະ ມູຮຳມັດ ອາບູ ມິນຢາ ອາລກັດດາຟີ ອະດີດຜູ້ນຳລີບີຢ່າງຜິດກົດໝາຍ, ໃນມື້ດັ່ງກ່າວ, ທ່ານ ນີໂຄລັສ ຊາໂຄຊີ ອະດີດປະທານາທິບໍດີຝຣັ່ງໄດ້ຖືກອົງການຕຸລາການຮຽກສອບປາກຄຳ ແລະຮັບການສືບສວນທີ່ກ່ຽວຂ້ອງ.
ຫຼັງຈາກທ່ານ ຊາໂຄຊີ ປະລາໄຊໃນການແຂ່ງຂັນເລືອກຕັ້ງປະທານາທິບໍດີໃນປີ 2012 ແລ້ວ, ສື່ມວນຊົນຝະຣັ່ງໄດ້ເປີດເຜີຍເອກະສານລັບຈາກອົງການຂ່າວລັບລີບີສະບັບໜຶ່ງ ແລະກ່າວວ່າທ່ານ ຊາໂຄຊີ ເຄີຍໄດ້ຮັບສິນບົນທາງການເມືອງເປັນເງິນເອີໂຣງວດໃຫຍ່ຈາກລີບີ ແລະໄດ້ໃຊ້ໃນການແຂ່ງຂັນເລືອກຕັ້ງປະທານາທິບໍດີໃນປີ 2007. ສະນັ້ນ, ອົງການໄອຍະການຂອງຝຣັ່ງຈຶ່ງມີຄວາມສົງໄສຕໍ່ທ່ານ ກັດດາຟີ ອະດີດຜູ້ນຳລີບີກໍ່ຄືທ່ານ ເຊຟ໌ ອາລ ອິສລາມ ກັດດາຟີ ເຊິ່ງເປັນລູກຊາຍຂອງທ່ານກັດດາຟີທີ່ໄດ້ສະໜອງທຶນທາງການເມືອງໃຫ້ແກ່ທ່ານ ຊາໂຄຊີ ເພື່ອໃຊ້ໃນການແຂ່ງຂັນເລືອກຕັ້ງດັ່ງກ່າວ.
 |
