ຄະນະກຳມະການກົມການເມືອງສູນກາງພັກກອມມູນິດຈີນລາຍງານວຽກງານຕໍ່ສູນກາງພັກແລະເລຂາທິການໃຫຍ່ສູນກາງພັກ
2018-03-21 16:24:04 cri
ອີງຕາມ "ຂໍ້ກຳນົດຂອງກົມການເມືອງສູນກາງພັກກອມມູນິດຈີນກ່ຽວກັບການເພີ່ມທະວີແລະຮັກສາການນຳພາຢ່າງລວມສູນເປັນເອກະພາບຂອງສູນກາງພັກກອມມູນິດຈີນ", ຄະນະກຳມະການກົມການເມືອງສູນກາງພັກກອມມູນິດຈີນຈະລາຍງານວຽກງານຕໍ່ສູນກາງພັກແລະທ່ານສີຈິ້ນຜິງ ເລຂາທິການໃຫຍ່ສູນກາງພັກໜຶ່ງເທື່ອຕໍ່ປີ. ນີ້ແມ່ນການຈັດວາງດ້ານລະບຽບການທີ່ສຳຄັນຫຼັງກອງປະຊຸມໃຫຍ່ຜູ້ແທນທົ່ວປະເທດຂອງພັກກອມມູນິດຈີນຄັ້ງທີ 19 ເພື່ອເພີ່ມທະວີແລະຮັກສາການນຳພາຢ່າງລວມສູນເປັນເອກະພາບຂອງສູນກາງພັກກອມມູນິດຈີນ. ຫວ່າງມໍ່ໆມານີ້, ຄະນະກຳມະການກົມການເມືອງສູນກາງພັກໄດ້ລາຍງານວຽກງານຕໍ່ສູນກາງພັກແລະທ່ານສີຈິ້ນຜິງ ເລຂາທິການໃຫຍ່ສູນກາງພັກເປັນຄັ້ງທຳອິດ. ທ່ານສີຈິ້ນຜິງໄດ້ກວດກາບົດລາຍງານວຽກງານຂອງຄະນະກຳມະການກົມການເມືອງສູນກາງພັກ, ແລະໄດ້ໃຫ້ຂໍ້ສະເໜີທີ່ສຳຄັນຕໍ່ຄະນະກຳມະການກົມການເມືອງສູນກາງພັກກ່ຽວກັບການປະຕິບັດໜ້າທີ່ຮັບຜິດຊອບ, ເຮັດວຽກໃຫ້ດີແລະປັບປຸງແບບແຜນວິທີເຮັດວຽກໃຫ້ດີຂຶ້ນແລະອື່ນໆ.
