ວັນທີ 20 ມີນານີ້, ກອງລາດຕະເວນຮ່ວມປະຕິບັດກົດໝາຍຈີນ, ລາວ, ມຽນມາ ແລະໄທໄດ້ເດີນທາງຈາກທ່າເຮືອກວ່ນເຫຼີຍເພື່ອດຳເນີນການລາດຕະເວນຮ່ວມປະຕິບັດກົດໝາຍຕາມລຳແມ່ນ້ຳຂອງເທື່ອທີ 68.
ຜູ້ຮັບຜິດຊອບຂອງກອງປ້ອງກັນຊາຍແດນຢູນນານແຈ້ງໃຫ້ຮູ້ວ່າ: ໃນໄລຍະການລາດຕະເວນ, ເຈົ້າໜ້າທີ່ຈາກສີ່ປະເທດຈະດຳເນີນການກວດກາ ແລະການຢ້ຽມຢາມຮ່ວມກັນ, ການສຳຫຼວດສະພາບການປ້ອງກັນຄວາມສະຫງົບ ແລະອື່ນໆໃນນ່ານນ້ຳທີ່ສຳຄັນຂອງສາມລ່ຽມຄຳ, ສະກັດກັ້ນການກໍ່ການຮ້າຍ, ການຄ້າຂາຍເຖື່ອນ, ຢາເສບຕິດ, ປືນ ແລະການກະທຳທີ່ຈະເມີດກົດໝາຍຂ້າມຊາດອື່ນໆ, ວິເຄາະສະພາບການປ້ອງກັນຄວາມສະຫງົບ ແລະການປ່ຽນແປງອຸທົກກະສາດຕາມລຳແມ່ນ້ຳຂອງຮ່ວມກັນ ພ້ອມທັງຮັກສາຄວາມໝັ້ນຄົງການຂົນສົ່ງທາງນ້ຳສາກົນຕາມລຳແມ່ນ້ຳຂອງຢ່າງເຂັ້ມງວດກວ່າເກົ່າ.
 |
