ອົງການຊັບສິນທາງປັນຍາໂລກເປີດເຜີຍບົດລາຍງານໃນວັນທີ 21 ມີນານີ້ວ່າ: ປີ 2017, ຈີນໄດ້ກາຍເປັນປະເທດທີ່ຮ້ອງຂໍສິດທິບັດສາກົນໃນຂອບສົນທິສັນຍາຮ່ວມມືສິດທິບັດໃນປະລິມານຫຼາຍອັນດັບທີ 2 ພຽງແຕ່ຖັດຈາກອາເມລິກາເທົ່ານັ້ນ. ໃນນີ້,ບໍລິສັດຫົວເຫວີຍແລະບໍລິສັດຈົ່ງຊິງຂອງຈີນເປັນສອງບໍລິສັດທີ່ຮ້ອງຂໍສິດທິບັດສາກົນຫຼາຍທີ່ສຸດ.
ບົດລາຍງານດັ່ງກ່າວໄດ້ວິເຄາະສະພາບການໃຊ້ການບໍລິການຂອງອົງການຊັບສິນທາງປັນຍາໂລກຂອງບັນດາປະເທດແລະວິສາຫະກິດໃນໂລກໃນປີ 2017 ຜ່ານມາ ເຊິ່ງຜົນການວິເຄາະສະແດງໃຫ້ເຫັນວ່າ: ປີ 2017 ຜ່ານມາ, ປະເທດທີ່ຮ້ອງຂໍສິດທິບັດຫຼາຍທີ່ສຸດຍັງແມ່ນອາເມລິກາຄືເກົ່າ ຄືປະລິມານການຮ້ອງຂໍສິດທິບັດມີເຖິງ 56.600 ສະບັບ; ຈີນເປັນທີສອງ ມີ 48.900ສະບັບ, ຍີ່ປຸ່ນ ທີສາມ ມີ 48.200 ສະບັບ.
ໃນນີ້, ຈີນເປັນປະເທດພຽງໜຶ່ງດຽວທີ່ມີປະລິມານການຮ້ອງຂໍສິດທິບັດເພີ່ມຂຶ້ນຫຼາຍກວ່າໝູ່ ຄືນັບແຕ່ປີ 2003 ເປັນຕົ້ນມາ, ອັດຕາການເຕີບໂຕໃນແຕ່ລະປີກໍໄດ້ສູງກວ່າ 10%.
 |
