ຕອນເຊົ້າວັນທີ 21 ມີນານີ້, ຄະນະປະຈຳສະພາປະຊາຊົນແຫ່ງຊາດຈີນຈັດພິທີສາບານຕົວຕໍ່ລັດຖະທຳມະນູນຢູ່ຫໍສະພາປະຊາຊົນແຫ່ງຊາດນະຄອນຫຼວງປັກກິ່ງໂດຍການເປັນປະທານຂອງທ່ານລີ້ຈ້ານຊູ່ ຄະນະປະຈຳສະພາປະຊາຊົນແຫ່ງຊາດ.
ກອງປະຊຸມເທື່ອທຳອິດຂອງຄະນະປະຈຳສະພາປະຊາຊົນແຫ່ງຊາດຊຸດທີ 13 ໄດ້ສິ້ນສຸດລົງໃນມໍ່ໆນີ້ ແລະໄດ້ແຕ່ງຕັ້ງຮອງເລຂາທິການໃຫຍ່ຄະນະປະຈຳສະພາປະຊາຊົນແຫ່ງຊາດ, ປະທານກຳມາທິການວຽກງານງົບປະມານ, ປະທານກຳມາທິການກົດໝາຍພື້ນຖານຊຸດທີ 4 ຂອງເຂດບໍລິຫານພິເສດຮົງກົງ ແລະປະທານກຳມາທິການກົດໝາຍພື້ນຖານຊຸດທີ 4 ຂອງເຂດບໍລິຫານພິເສດມາເກົາ. ຕາມການຕົກລົງຂອງຄະນະປະຈຳສະພາປະຊາຊົນແຫ່ງຊາດກ່ຽວກັບລະບຽບການສາບານຕົວຕໍ່ລັດຖະທຳມະນູນ, ດັ່ງນັ້ນ, ການນຳທຸກທ່ານຕ້ອງສາບານຕົວຕໍ່ລັດຖະທຳມະນູນຕາມກົດໝາຍ.
 |
