ວັນທີ 21 ມີນານີ້, ອົງການທ່ອງທ່ຽວແຫ່ງປະເທດໄທໄດ້ເປີດເຜີຍວ່າ: ໃນເດືອນກຸມພາປີນີ້, ນັກທ່ອງທ່ຽວຈາກແຜ່ນດິນໃຫຍ່ຈີນໄປທ່ຽວໄທບັນລຸເຖິງ 1,2 ລ້ານກວ່າເທື່ອຄົນ, ເພີ່ມຂຶ້ນ 51% ທຽບໃສ່ໄລຍະດຽວກັນຂອງປີຜ່ານມາ, ກວມ 30% ຂຶ້ນໄປຂອງນັກທ່ອງທ່ຽວຕ່າງປະເທດທັງໝົດຢູ່ປະເທດໄທ.
ທ່ານເພີງພານຸ ຮອງລັດຖະມົນຕີກະຊວງທ່ອງທ່ຽວ ແລະກິລາຂອງໄທກ່າວໃນກອງປະຊຸມຖະແຫຼງຂ່າວວ່າ: ເນື່ອງຈາກບຸນກຸດຈີນ, ໃນເດືອນກຸມພາປີນີ້, ນັກທ່ອງທ່ຽວເຂົ້າປະເທດຕົນລື່ນ 3,5 ລ້ານກວ່າເທື່ອຄົນ, ເພີ່ມຂຶ້ນ 19,33% ທຽບໃສ່ໄລຍະດຽວກັນຂອງປີຜ່ານມາ, ໃນນີ້, ສ່ວຍຫຼາຍແມ່ນມາຈາກພາກພື້ນອາຊີຕາເວັນອອກ ແລະອາຊີຕາເວັນອອກສຽງໃຕ້, ຕົ້ນຕໍແມ່ນປະເທດຈີນ, ແລະນັກທ່ອງທ່ຽວຈີນເປັນອັນດັບ 1 ຂອງນັກທ່ອງທ່ຽວຕ່າງປະເທດບໍ່ວ່າຈະແມ່ນຈຳນວນຄົນຫຼືວ່າໃນການສ້າງລາຍຮັບໃຫ້ການທ່ອງທ່ຽວຂອງໄທ.
ທ່ານກ່າວຕື່ມວ່າ: ເບິ່ງໂດຍລວມແລ້ວ, 2 ເດືອນຕົ້ນປີນີ້, ນັກທ່ອງທ່ຽວຕ່າງປະເທດເຂົ້າປະເທດໄທບັນລຸເຖິງ 7,11 ລ້ານເທື່ອຄົນ, ເພີ່ມຂຶ້ນ 15% ທຽບໃສ່ໄລຍະດຽວກັນຂອງປີຜ່ານມາ ເຊິ່ງສາມາດສ້າງລາຍຮັບໄດ້ເຖິງ 384,15 ຕື້ບາດ ແລະເພີ່ມຂຶ້ນ 17,47%.
 |
