ມຽນມາຈະຮັບເອົາຜູ້ອອກຈາກລັດຍະໄຂ່ທີ່ໄດ້ຮູ້ອັດຕະລັກແລ້ວກັບຄືນປະເທດ

    ຕອນຄ່ຳວັນທີ 20 ມີນານີ້, ຄະນະກຳມະການຖະແຫຼງຂ່າວມຽນມາອອກຖະແຫຼງການວ່າ, ລັດຖະບານຕົນຈະຮັບເອົາຜູ້ອອກຈາກລັດຍະໄຂ່ທີ່ໄດ້ຮູ້ອັດຕະລັກຢ່າງລະອຽດແລ້ວກັບຄືນປະເທດ.

    ຖະແຫຼງການລະບຸວ່າ, ກະຊວງແຮງງານ, ຊາວຍ້າຍຖິ່ນຖານແລະປະຊາກອນມຽນມາ ໄດ້ກວດກາບັນຊືລາຍຊື່ 8032 ຄົນຢ່າງລະອຽດທີ່ສະເໜີໂດຍບັງກາລາເດັດ ແລະໄດ້ຢືນຢັນວ່າ, ມີຈຳນວນ 556 ຄົນໃນບັນຊີດັ່ງກ່າວເຄີຍດຳລົງຊີວິດຢູ່ປະເທດຕົນ. ປັດຈຸບັນ, ໄດ້ກຽມພ້ອມທີ່ຈະຮັບເອົາຜູ້ຄົນເຫຼົ່ານີ້ກັບຄືນປະເທດ. ນອກນັ້ນ, ມຽນມາຍັງຈະສືບຕໍ່ກວດກາຂໍ້ມູນລະອຽດຂອງຜູ້ອື່ນໆໃນບັນຊີລາຍຊື່ດັ່ງກ່າວ.

    ວັນທີ 25 ສິງຫາປີຜ່ານມາ, ພາກເໜືອລັດຍະໄຂ່ຂອງມຽນມາ ໄດ້ເກີດການໂຈມຕີແບບກໍ່ການຮ້າຍ, ຫຼັງຈາກນັ້ນ, ປະຊາຊົນຈຳນວນຫຼວງຫຼາຍໄດ້ໜີໄປປະເທດບັງກາລະເດັດທີ່ເປັນປະເທດໃກ້ຄຽງ. ເມື່ອລັດຖະບານສອງປະເທດປຶກສາຫາລືກັນແລ້ວ ໃນວັນທີ 23 ພະຈິກຜ່ານມາ ຈຶ່ງໄດ້ເຊັນສັນຍາເພື່ອຊ່ວຍເຫຼືອປະຊາຊົນທີ່ໜີອອກຈາກລັດຍະໄຂ່ນັ້ນກັບຄືນມຽນມາ.