ວັນທີ 22 ມີນານີ້, ສະຖານທູດຈີນປະຈຳສະຫະລັດອາເມລິກາໄດ້ອອກຖະແຫຼງການວ່າ: ອາເມລິກາບໍ່ຫົວຊາຕໍ່ລັກສະນະທາດແທ້ຂອງສາຍພົວພັນເສດຖະກິດການຄ້າຈີນ-ອາເມລິກາແບບຕ່າງຝ່າຍຕ່າງມີຜົນປະໂຫຍດ ແລະຄວາມເປັນເອກະພາບກັນທີ່ສອງປະເທດຕົກລົງຮ່ວມກັນໃນການແກ້ໄຂຄວາມຂັດແຍ້ງດ້ວຍການປຶກສາຫາລືກັນ, ບໍ່ຫົວຊາຕໍ່ຄວາມເຫັນທີ່ສົມເຫດສົມຜົນຂອງບັນດາຝ່າຍ ໂດຍຂືນດຳເນີນການສຳຫຼວດຕາມມາດຕາ 301 ຂອງກົດໝາຍການຄ້າອາເມລິກາທັງປະກາດຄຳຕັດສິນ ເຊິ່ງການກະທຳເຫຼົ່ານີ້ເປັນລັດທິປົກປ້ອງການຄ້າພຽງຝ່າຍດຽວຢ່າງໂດດເດັ່ນ. ຈີນບໍ່ພໍໃຈຢ່າງຮຸນແຮງແລະຄັດຄ້ານຕໍ່ການກະທຳດັ່ງກ່າວຂອງອາເມລິກາຢ່າງເດັດຂາດ.
ມາດຕະການດັ່ງກ່າວຂອງອາເມລິກາກໍຈະສົ່ງຜົນເສຍຫາຍໃຫ້ແກ່ປະເທດຕົນໂດຍທຳລາຍຜົນປະໂຫຍດຂອງຜູ້ບໍລິໂພກ,ບໍລິສັດແລະຕະຫຼາດການເງິນຂອງອາເມລິກາໂດຍກົງ ທັງຈະສົ່ງຜົນກະທົບທາງລົບຕໍ່ລະບຽບການການຄ້າສາກົນແລະຄວາມໝັ້ນທ່ຽງຂອງເສດຖະກິດໂລກອີກດ້ວຍ.
ວັນທີ 22 ມີນານີ້, ທ່ານໂດນັນ ທຣຳ ປະທານາທິບໍດີອາເມລິກາໄດ້ລົງນາມໃນບົດບັນທຶກປະທານາທິບໍດີໂດຍປະກາດວ່າບົນພື້ນຖານຜົນການສຳຫຼວດຕາມມາດຕາ 301 ຂອງກົດໝາຍການຄ້າອາເມລິກາ, ອາເມລິກາຈະເກັບພາສີສູງຕໍ່ສິນຄ້າທີ່ນຳເຂົ້າຈາກຈີນທັງຈຳກັດບໍ່ໃຫ້ວິສາຫະກິດຈີນໄປລົງທຶນຢູ່ອາເມລິກາອີກດ້ວຍ.
 |
