ກິດຈະກຳ "ວັນແມ່ນ້ຳລ້ານຊ້າງ-ແມ່ນ້ຳຂອງ"ໄດ້ຈັດຂຶ້ນຢູ່ມະຫາວິທະຍາໄລຢູນນານ ນະຄອນຄຸນມິງ ແຂວງຢູນນານ ສປ ຈີນໃນວັນທີ 22 ມີນານີ້ໂດຍມີຊາວໜຸ່ມ, ນັກສຶກສາຫຼາຍຮ້ອຍຄົນຈາກ 6 ປະເທດແມ່ນ້ຳລ້ານຊ້າງ-ແມ່ນ້ຳຂອງຄື ຈີນ,ລາວ, ມຽນມາ, ໄທ,ກຳປູເຈຍແລະຫວຽດນາມໄດ້ຮ່ວມກັນປູກຕົ້ນໄມ້ມິດຕະພາບ ທັງຮ່ວມການແຂ່ງຂັນກິລາແລ່ນໄລຍະຍາວ.
ກິດຈະກຳຄັ້ງນີ້ປະກອບດ້ວຍ 3 ພາກສ່ວນ ຄື "ແມ່ນ້ຳລ້ານຊ້າງ-ແມ່ນ້ຳຂອງແລ່ນນຳກັນ", "ຮ່ວມກັນປູກຕົ້ນໄມ້ມິດຕະພາບ" ແລະການສຳມະນາການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງ.
ວັນທີ 22 ມີນານີ້, ຫຼັງພິທີເປີດກິດຈະກຳ,ຜູ້ແທນຊາວໜຸ່ມ 6 ປະເທດແມ່ນ້ຳລ້ານຊ້າງ-ແມ່ນ້ຳຂອງໄດ້ຮ່ວມກັນປູກຕົ້ນໄມ້ມິດຕະພາບແມ່ນ້ຳລ້ານຊ້າງ-ແມ່ນ້ຳຂອງ, ຈາກນັ້ນກໍໄດ້ແຂ່ງຂັນແລ່ນໄລຍະຍາວ, ກິດຈະກຳດັ່ງກ່າວໄດ້ສ່ອງແສງໃຫ້ເຫັນວັດທະນະທຳແມ່ນ້ຳລ້ານຊ້າງ-ແມ່ນ້ຳຂອງທີ່ປະຕິບັດຕໍ່ກັນຢ່າງສະເໝີພາບ,ຊ່ວຍເຫຼືອກັນດ້ວຍຄວາມຈິງໃຈ, ສະໜິດສະໜົມກັນເໝືອນດັ່ງຄົນໃນຄອບຄົວດຽວກັນ.
ໃນການສຳມະນາການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງ, ຊ່ຽວຊານທີ່ຮ່ວມປະຊຸມໄດ້ປຶກສາຫາລືບັນຫາຕ່າງໆເປັນຕົ້ນ ຜົນສຳເລັດທີ່ຍາດມາໄດ້ນັບແຕ່ກົນໄກການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງສ້າງຕັ້ງຂຶ້ນເປັນຕົ້ນມາ, ສິ່ງທ້າທາຍທີ່ກຳລັງຜະເຊີນ, ເຮັດແນວໃດເພື່ອສົ່ງເສີມການຮ່ວມມືໃນອະນຸພາກພື້ນແມ່ນ້ຳລ້ານຊ້າງ-ແມ່ນ້ຳຂອງແລະອື່ນໆ.
 |
