ທ່ານມາຈ່າວຊີ້ວ ຜູ້ຕາງໜ້າຖາວອນຂອງຈີນປະຈຳອົງການສະຫະປະຊາຊາດໄດ້ປະກອບຄຳເຫັນໃນກອງປະຊຸມວົງກວ້າງເພື່ອພິຈາລະນາບັນຫາສັນຕິພາບແລະຄວາມໝັ້ນຄົງຂອງອາຟຣິກກາທີ່ສະພາຄວາມໝັ້ນຄົງຈັດຂຶ້ນໃນວັນທີ 22 ມີນານີ້ ໂດຍຮຽກຮ້ອງໃຫ້ປະຊາຄົມໂລກຊ່ວຍເຫຼືອອາຟຣິກກາເສີມສ້າງຄວາມສາມາດຂອງຕົນໃນການຮັກສາສັນຕິພາບແລະຄວາມໝັ້ນຄົງ.
ທ່ານກ່າວວ່າ: ໃນຊຸມປີຜ່ານມາ, ປະເທດອາຟຣິກກາສາມັກຄີເປັນປຶກແຜ່ນດຽວກັນ,ຮ່ວມກັນສ້າງຄວາມເຂັ້ມແຂງດ້ວຍຕົນເອງ ແລະແກ້ໄຂບັນຫາອາຟຣິກກາດ້ວຍວິທີຂອງຕົນ, ເພີ່ມທະວີການສ້າງກົນໄກຄວາມໝັ້ນຄົງລວມໝູ່ອາຟຣິກກາ, ຈີນສະແດງຄວາມຍ້ອງຍໍຊົມເຊີຍຢ່າງສູງຕໍ່ເລື່ອງນີ້. ພ້ອມດຽວກັນນັ້ນ, ອາຟຣິກກາຍັງຄົງຜະເຊີນໜ້າກັບສິ່ງທ້າທາຍໃນຂົງເຂດສັນຕິພາບແລະຄວາມໝັ້ນຄົງ, ຢູ່ບາງເຂດແຄວ້ນ, ການເຄື່ອນໄຫວລັດທິກໍ່ການຮ້າຍ, ການເຄື່ອນໄຫວຫົວຂອງກຸ່ມຫົວຮຸນແຮງແລະການໃຊ້ຄວາມຮຸນແຮງຍັງຄົງມີຫຼາຍ, ອາຊະຍາກຳຂ້າມຊາດທີ່ມີການຈັດຕັ້ງເປັນຕົ້ນ ການຄ້າຢາເສບຕິດ, ການຄ້າຂາຍມະນຸດແລະອື່ນໆຍັງຄົງເປັນໄພຂົ່ມຂູ່ຕໍ່ຄວາມປອດໄພຂອງປະຊາຊົນອາຟຣິກກາ. ດ້ວຍເຫດນີ້, ປະຊາຄົມໂລກຄວນຊ່ວຍອາຟຣິກກາເພີ່ມທະວີການສ້າງຄວາມສາມາດໃນການຮັກສາສັນຕິພາບແລະຄວາມໝັ້ນຄົງ.
 |
