ວັນທີ 24 ມີນານີ້ຕາມເວລາທ້ອງຖິ່ນ, ນັກຮຽນ, ຄູສອນແລະປະຊາຊົນຫຼາຍທ້ອງຖິ່ນແຫ່ງຂອງອາເມລິກາຈັດການແຫ່ຂະບວນປະທ້ອງເພື່ອຄັດຄ້ານຄວາມຮຸນແຮງທາງປືນ.
ຂ່າວສານອາເປ ຂອງອາເມລິກາລາຍງານວ່າ, ວັນທີ 24 ມີນານີ້ຕາມເວລາທ້ອງຖິ່ນ, ການແຫ່ຂະບວນທີ່ຄັດຄ້ານຄວາມຮຸນແຮງທາງປືນທີ່ມີຊື່ວ່າ " ການແຫ່ຂະບວນເພື່ອຊີວິດຂອງພວກເຮົາ" ໄດ້ຈັດຂຶ້ນຢູ່ ວໍຊີງຕັງ, ນິວຢອກ, ພາກລັງຂອງລັດໂຟຼຣີດາແລະຕົວເມືອງຫຼາຍແຫ່ງຂອງອາເມລິກາ.
CNN ເຄີຍລາຍງານວ່າ, ນັກຮຽນທີ່ລອດຊີວິດໃນຄະດີຍິງປືນທີ່ໂຮງຮຽນມັດທະຍົມພາກລັງໄດ້ຈັດການແຫ່ຂະບວນເທື່ອນີ້, ໂດຍຮຽກຮ້ອງໃຫ້ສ້າງກົດໝາຍໃໝ່, ເພື່ອຫຼີກເວັ້ນເຫດການຍິງປືນຂະໜາດໃຫຍ່ຢູ່ໂຮງຮຽນແລະສະຖານທີ່ອື່ນໆ. ວັນທີ 14 ມີນາແມ່ນຄະດີຍິງປືນທີ່ໂຮງຮຽນພາກລັງຄົບຮອບ 1 ເດືອນ, ນັກຮຽນອາເມລິກາຫຼາຍໝື່ນຄົນຢຸດການຮຽນເພື່ອປະທ້ວງຄວາມຮຸນແຮງທາງປືນດ້ວຍການອອກຈາກຫ້ອງຮຽນ, ຮຽກຮ້ອງລັດຖະບານອອກກົດໝາຍອັນເຂັ້ມງວດກວ່າເກົ່າໃນດ້ານການຄວບຄຸມປືນ. ວັນທີ 24 ມີນານີ້, ນັກຮຽນມັດທະຍົມທົ່ວປະເທດອາເມລິກາຈັດການຊຸມນຸມແຫ່ຂະບວນທີ່ມີຂະໜາດໃຫຍ່ກວ່າຄັ້ງດັ່ງກ່າວ.
