ຕາມຂ່າວ CRI: ກອງປະຊຸມເວທີປຶກສາຫາລືລະດັບສູງກ່ຽວກັບການພັດທະນາຂອງຈີນທີ່ປີໜຶ່ງມີຂຶ້ນເທື່ອໜຶ່ງໄດ້ຈັດຂຶ້ນຢູ່ນະຄອນຫຼວງປັກກິ່ງໃນວັນທີ 24 ມີນານີ້ ເຊິ່ງກອງປະຊຸມເວທີປຶກສາຫາລືຄັ້ງນີ້ມີຫົວຂໍ້ຫຼັກຄື: ຈີນໃນຍຸກໃໝ່. ຍ້ອນທ່ານໂດນັດ ທຣຳ ປະທານາທິບໍດີອາເມລິກາຫາກໍ່ເຊັນບົດບັນທຶກຊ່ວຍຈຳກ່ຽວກັບບົດລາຍງານກວດກາ 301, ເຮັດໃຫ້ວິຊາການຕ່າງປະເທດ ແລະນັກທຸລະກິດສາກົນທີ່ມີຊື່ສຽງຫຼາຍທ່ານໄດ້ພາກັນປະກອບຄຳເຫັນ ໂດຍເຫັນວ່າການກະທຳຂອງອາເມລິກາດັ່ງກ່າວເຮັດໃຫ້ຄົນທັງຫຼາຍຜິດຫວັງ ແລະເຫັນວ່າ, ການຍອມຕໍ່ລັດທິປົກປ້ອງອານຄ້າຈະເຮັດໃຫ້ໝົດທຸກຄົນຖືກກະທົບ.
ໃນກອງປະຊຸມເວທີປຶກສາຫາລືລະດັບສູງກ່ຽວກັບການພັດທະນາຂອງຈີນທີ່ຈັດຂຶ້ນໃນວັນທີ 24 ມີນານີ້, ທ່ານນີກຸລາສ ສເຕີເອີນ ສາສະດາຈານສະຖາບັນເສດຖະກິດການເມືອງລອນດອນ, ປະທານສະພາເສດຖະສາດອັງກິດກ່າວວ່າ:
ການກະທຳຂອງລັດຖະບານອາເມລິກາເຮັດໃຫ້ຄົນທັງຫຼາຍຜິດຫວັງ. ເຂົາເຈົ້າເຫັນວ່ ການຄ້າລະຫວ່າງຈີນ-ອາເມລິກາຂາດດຸນກັນ, ແຕ່ຕົວຈິງແລ້ວນີ້ແມ່ນເກີດຂຶ້ນຍ້ອນອາເມລິກາມີລາຍຮັບບໍ່ພຽງພໍແລະລາຍຈ່າຍກັບລາຍຮັບບໍ່ສົມຄູ່ກັນ, ຫາກບໍ່ແມ່ນ ຍ້ອນເຮັດການຄ້າກັບປະເທດໃດໜຶ່ງ. ອາເມລິກາແກ້ໄຂບັນຫານີ້ແບບແກ້ໄຂສົງຄາມການຄ້າແນວນີ້ແມ່ນບໍ່ເໝາະສົມ, ຂ້າພະເຈົ້າເຫັນວ່າສະພາບການແນວນີ້ແມ່ນເກີດຂຶ້ນຍ້ອນການວິເຄາະຢ່າງຜິດພາດຂອງປະທານາທິບໍດີອາເມລິກາ.
ກ່ອນເຊັນບົດບັນທຶກຊ່ວຍຈຳ, ຜູ້ຕາງໜ້າຂອງສະມາຄົມຂະແໜງການທີ່ຕາງໜ້າໃຫ້ຫຼາຍຂົງເຂດຂອງເສດຖະກິດອາເມລິກາ 45 ອົງການໄດ້ຮ້ອງຂໍລັດຖະບານເພື່ອຢຸດຕິແຜນການເກັບພາສີຕໍ່ຜະລິດຕະພັນຂອງຈີນ ເຊິ່ງສະມາຄົມເຫຼົ່ານີ້ລວມທັງຂະແໜງການວິທະຍາສາດເຕັກນິກ, ການຂ່າຍຍ່ອຍ, ກະສິກຳແລະຜະລິດຕະພັນບໍລິໂພກຄື ບໍລິສັດເອໂພຣ, ກູໂກ, IBM, NIKE ແລະໂວມາເປັນຕົ້ນ ຢູ່ໃນຄຳຮ້ອງຂໍ, ບໍລິສັດເຫຼົ່ານີ້ກ່າວວ່າ, ການເກັບພາສີສູງຈະເກີດຜົນກະທົບຫຼາຍຢ່າງທີ່ອາດຈະສ້າງຜົນເສຍຫາຍໃຫ້ແກ່ເສດຖະກິດອາເມລິກາ.
ອີງຕາມບົດບັນທຶກດັ່ງກ່າວ, ຜະລິດຕະພັນຈີນທີ່ຖືກເກັບພາສີສູງນັ້ນມີມູນຄ່າລວມ 60 ຕື້ໂດລາສະຫະລັດ. ສ່ວນຝ່າຍທາງການຂອງຈີນກໍ່ໄດ້ມີການຕອບຮັບຢ່າງທັນການໂດຍກ່າວວ່າ ຈີນຫວັງວ່າຈະບໍ່ເກີດສົງຄາມການຄ້າ, ແລະຈະບໍ່ເປັນເຈົ້າການກໍ່ສົງຄາມການຄ້າ, ແຕ່ຈີນກໍບໍ່ຢ້ານກົວຕໍ່ສົງຄາມການຄ້າ ແລະຈະບໍ່ຫຼີກລ້ຽງບັນຫານີ້.
ທ່ານບັສກາຣ ລາມີ ອະດີດຜູ້ອຳນວຍການໃຫຍ່ອົງການການຄ້າໂລກກໍ່ໄດ້ຮຽກຮ້ອງໂດຍຜ່ານເວທີປຶກສາຫາລືລະດັບສູງກ່ຽວກັບການພັດທະນາຂອງຈີນວ່າ, ລັດທິປົກປ້ອງການຄ້າບໍ່ແມ່ນວິທີແກ້ໄຂບັນຫາ, ການປຶກສາຫາລືແລະຮ່ວມມືກັນຈິ່ງແມ່ນວີທີທີ່ຖືກຕ້ອງ.
