ທ່ານອັສຣັຟ ການີ ປະທານາທິບໍດີອັຟການີສະຖານເປີດເຜີຍຢູ່ນະຄອນຫຼວງກາບູນປະເທດອັຟການີສະຖານໃນວັນທີ 24 ມີນານີ້ວ່າ, ລັດຖະບານຕົນຈະສ້າງໂຮງຮຽນປະມານ 6000 ແຫ່ງຢູ່ແຫ່ງຕ່າງໆໃນທົ່ວປະເທດດ້ວຍການຕັ້ງທຶນສະໜັບສະໜູນສະເພາະໃນສອງປີຕໍ່ໜ້າ, ເພື່ອຍົກສູງຄຸນນະພາບການສຶກສາໂດຍລວມ, ແລະແກ້ໄຂບັນຫາທີ່ຂາດຊັບພະຍາກອນທາງການສຶກສາ.
ໃນໂອກາດເຂົ້າຮ່ວມກິດຈະກຳເປີດສົກຮຽນໃໝ່ທົ່ວປະເທດທີ່ຈັດຂຶ້ນຢູ່ນະຄອນຫຼວງກາບູນໃນມື້ດັ່ງກ່າວ, ທ່ານການີກ່າວວ່າ, ລັດຖະບານໄດ້ຈັດສັນທຶນສະເພາະປະມານ 200 ລ້ານໂດລາສະຫະລັດເພື່ອສ້າງໂຮງຮຽນໃໝ່, ເພີ່ມທະວີການຄຸ້ມຄອງ, ເພີ່ມຄູອາຈານແລະອື່ນໆ.
ທ່ານການີ ກ່າວຕື່ມວ່າ, ລັດຖະບານວາງແຜນຈະເພີ່ມຄູອາຈານ 1ໝື່ນ 8 ພັນຕຳແໜ່ງໃນອະນາຄົດ, ໂດຍສະເພາະແມ່ນຍົກສູງອັດຕາເພດຍິງໃນພາກສ່ວນສຶກສາທິການຢູ່ແຫ່ງຕ່າງໆທຸກຂັ້ນ. ນອກນີ້, ໃນສອງປີຕໍ່ໜ້າຍັງຈະສ້າງໂຮງຮຽນເຕັກນິກວິຊາຊີບຢູ່ແຂວງຕ່າງໆ, ເພື່ອຊ່ວຍເຫຼືອໃຫ້ນັກຮຽນສາມາດເຂົ້າກັບສົງຄົມໃຫ້ດີກວ່າເກົ່າຫຼັງຈົບຮຽນ.
 |
