ໃນກອງປະຊຸມຟື້ນຟູປ່າໄມ້ຢູ່ເຂດອາຊີປາຊີຟິກທີ່ຈັດຂຶ້ນຢູ່ນະຄອນຫຼວງປັກກິ່ງໃນວັນທີ 26 ມີນານີ້, ຜູ້ຕາງໜ້າພາກສ່ວນອະນຸລັກສັດປ່າຂອງ 6 ປະເທດລຸ່ມແມ່ນ້ຳລ້ານຊ້າງ-ແມ່ນ້ຳຂອງຄື: ຈີນ, ລາວ, ກຳປູເຈຍ, ມຽນມາ, ໄທແລະຫວຽດນາມໄດ້ຮ່ວມກັນເປີດກົນໄກອະນຸລັກສັດປ່າຂ້າມຊາດເຂດລ້ອງແມ່ນ້ຳລ້ານຊ່າງ-ແມ່ນ້ຳຂອງ, ປະກາດຈະເພີ່ມທະວີການອະນຸລັກສັດປ່າຂ້າມຊາດຢູ່ພາກພື້ນດັ່ງກ່າວຢ່າງແທ້ຈິງໂດຍຜ່ານການຮ່ວມມື.
ພາຍຫຼັງເປີດກົນໄກດັ່ງກ່າວແລ້ວ, ຈະຊ່ວຍເຫຼືອໃຫ້ກຸ່ມເສດຖະກິດຢູ່ພາກພື້ນນີ້ເພີ່ມທະວີການແລກປ່ຽນແລະປະສານງານດ້ານຂໍ້ມູນຂ່າວສານ, ຄົ້ນຄວ້າການຮ່ວມມືດ້ານການອະນຸລັກປະສົມຂ້າມຊາດ, ການຄົ້ນຄວ້າວິທະຍາສາດ, ການກໍ່ສ້າງແລວທາງຊີວະພາບແລະອື່ນໆ, ພ້ອມກັນນັ້ນຈະເພີ່ມທະວີການແລກປ່ຽນແລະສຶກສາຄົ້ນຄວ້າລະຫວ່າງພາກສ່ວນອະນຸລັກຕ່າງໆແລະຍົກສູງຄວາມສາມາດ.
ກອງປະຊຸມສາກົນຟື້ນຟູປ່າໄມ້ຢູ່ເຂດອາຊີປາຊີຟິກແລະກິດຈະກຳທົບທວນຄືນ 10 ປີຂອງອົງການປ່າໄມ້ອາຊີປາຊີຟິກທີ່ຈັດຂຶ້ນໃນວັນທີ 26 ມີນານີ້ໄດ້ເນັ້ນຫົວຂໍ້ "ແບ່ງປັນບົດຮຽນການຟື້ນຟູປ່າໄມ້, ປະສານງານການພັດທະນາຂະແໜງການປ່າໄມ້ຂອງພາກພື້ນ", ລັດຖະມົນຕີ, ເຈົ້າໜ້າທີ່ອາວຸໂສອົງການຈັດຕັ້ງສາກົນ, ທູຕານຸທູດແລະຜູ້ຕາງໜ້າ 300 ກວ່າທ່ານທີ່ມາຈາກ 30 ກວ່າກຸ່ມເສດຖະກິດຂອງອາຊີປາຊີຟິກໄດ້ເຂົ້າຮ່ວມກອງປະຊຸມດັ່ງກ່າວ.
 |
