ເຈົ້າໜ້າທີ່ກົມປາບປາມຢາເສບຕິດຟີລິບປິນເປີດເຜີຍໃນວັນທີ 27 ມີນານີ້ວ່າ, ນັບແຕ່ລັດຖະບານຟີລິບປິນໄດ້ດຳເນີນການປາບປາມຢາເສບຕິດເປັນເວລາ 1 ປີມານີ້ ໄດ້ປະສົບຜົນສຳເລັດທີ່ໂດດເດັ່ນ.
ທ່ານເດຣິກ ກາເຣອອນ ໂຄສົກກົມປາບປາມຢາເສບຕິດຟີລິບປິນໄດ້ເປີດເຜີຍຜົນງານການປາບປາມຢາເສບຕິດໃນກອງປະຊຸມຂ່າວ ທີ່ຈັດຂຶ້ນຢູ່ທຳນຽບປະທານາທິບໍດີ ໂດຍກ່າວວ່າ, ນັບແຕ່ວັນທີ 1 ກໍລະກົດປີ 2016 ຫາ ວັນທີ 20 ມີນາປີ 2018, ກົມປາບປາມຢາເສບຕິດ ແລະ ພາກສ່ວນປະຕິບັດກົດໝາຍອື່ນໆຂອງຟີລິບປິນໄດ້ດຳເນີນການປາບປາມຢາເສບຕິດ 9 ໝື່ນກວ່າເທື່ອໃນຂອບເຂດທົ່ວປະເທດ ແລະ ມີຜູ້ຕ້ອງຫາກ່ຽວພັນກັບຢາເສບຕິດ 1 ແສນ 2 ໝື່ນກວ່າຄົນຖືກຈັບຕົວ ເຊິ່ງລວມທັງເຈົ້າໜ້າທີ່ລັດຖະບານ 469 ຄົນ. ນອກນີ້, ຍັງໄດ້ສັ່ງປິດສະຖານທີ່ຜະລິດຢາເສບຕິດ 189 ແຫ່ງ ແລະ ຍຶດຢາເສບຕິດໄດ້ປະມານ 2620 ກິໂລ.
 |
