ສະພາສະຫະພາບມຽນມາໄດ້ຈັດການເລືອກຕັ້ງປະທານາທິບໍດີໃນວັນທີ 28 ມີນານີ້, ທ່ານວິນມິນ ສະມາຊິກອາວຸໂສຈາກພັກສັນນິບາດປະຊາທິປະໄຕແຫ່ງຊາດມຽນມາ ຫຼື NLD ໄດ້ຮັບເລືອກຕັ້ງເປັນປະທານາທິບໍດີດ້ວຍຄະແນນສຽງສ່ວນຫຼາຍ.
ສະມາຊິກສະພາສະຫະພາບມຽນມາໄດ້ຈັດກອງປະຊຸມຄົບຄະນະໃນຕອນເຊົ້າມື້ດຽວກັນ ແລະ ເລືອກຕັ້ງປະທານທິບໍດີຈາກທ່ານວິນມິນ ທີ່ໄດ້ຮັບເລືອກຕັ້ງເປັນຮອງປະທານທິບໍດີໃນວັນທີ 23, ທ່ານມິນສເວ ຮອງປະທານາທິບໍດີຜູ້ທີໜຶ່ງ ແລະ ທ່ານເຮນຣີວັນຕີຢູ ຮອງປະທານາທິບໍດີຜູ້ທີສອງ.
ໂດຍຜ່ານການປ່ອນບັດລົງຄະແນນສຽງ, ທ່ານວິນມິນທີ່ຄະນະສະມາຊິກສະພາປະຊາຊົນສະເໜີນັ້ນໄດ້ຮັບ 403 ຄະແນນ ແລະ ໄດ້ຮັບຄະແນນສຽງສູງສຸດ. ທ່ານມິນສເວ ທີ່ຄະນະສະມາຊິກຝ່າຍທະຫານສະເໜີໄດ້ຄະແນນສຽງເປັນອັນດັບທີສອງ ແລະ ທ່ານເຮນຣີວັນຕີຢູ ທີ່ສະເໜີໂດຍສະພາແຫ່ງຊາດໄດ້ຄະແນນສຽງອັນດັບທີສາມ. ດັ່ງນັ້ນ, ປະທານສະພາສະຫະພາບມຽນມາຈິ່ງປະກາດວ່າ, ທ່ານວິນມິນໄດ້ຮັບເລືອກຕັ້ງເປັນປະທານາທິບໍດີ, ທ່ານມິນສເວເປັນຮອງປະທານາທິບໍດີຜູ້ທີໜຶ່ງ ແລະ ທ່ານເຮນຣີວັນຕີຢູເປັນຮອງປະທານາທິບໍດີຜູ້ທີສອງ.
 |
