ທ່ານລູ້ຄ່າງ ໂຄສົກກະຊວງການຕ່າງປະເທດຈີນ ກ່າວໃນກອງປະຊຸມຖະແຫຼງຂ່າວທີ່ຈັດຂຶ້ນໃນວັນທີ 28 ມີນານີ້ວ່າ: ຫວັງວ່າຍີ່ປຸ່ນຈະສ້າງຄວາມເຊື່ອໝັ້ນໃຫ້ແກ່ປະເທດໃກ້ຄຽງໃນອາຊີແລະປະຊາຄົມໂລກດ້ວຍການກະທຳຕົວຈິງ.
ທັງນີ້ ມີລາຍງານຂ່າວກ່າວວ່າ ພັກເສລີປະຊາປະທິປະໄຕຍີ່ປຸ່ນ ໄດ້ໄຂກອງປະຊຸມໃຫຍ່ຂອງພັກໃນຫວ່າງມໍ່ໆມານີ້ ເພື່ອສ້າງຍັດຕິຫາລືການດັດແກ້ລັດຖະທຳມະນູນ ໂດຍຫວັງຈະເພີ່ມຕື່ມເນື້ອໃນກ່ຽວກັບກອງປ້ອງກັນຕົວເຂົ້າໃສ່ມາດຕາທີ 9 ຂອງລັດຖະທຳມະນູນ ນອກນີ້, ພັກເສລີປະຊາທິປະໄຕ ຍັງໄດ້ວາງເປົ້າໝາຍດັດແກ້ລັດຖະທຳມະນູນໃນທິດທາງເຄື່ອນໄຫວປີ 2018 ທ່ານຊິນໂຈ ອາເບະ ນາຍົກລັດຖະມົນຕີຍີ່ປຸ່ນ ກ່າວວ່າ: ຈະບັນທຶກເນື້ອໃນວ່າດ້ວຍກອງປ້ອງກັນຕົວເຂົ້າໃນລັດຖະທຳມະນູນຢ່າງຈະແຈ້ງ ແລະຊຸກຍູ້ການບັນລຸເປົ້າໝາຍການດັດແກ້ລັດຖະທຳມະນູນ.
ຕໍ່ເລື່ອງນີ້, ທ່ານລູ້ຄ່າງ ໂຄສົກກະຊວງການຕ່າງປະເທດຈີນກ່າວວ່າ: ເນື່ອງຈາກສາເຫດທາງປະຫວັດສາດ, ຍີ່ປຸ່ນດັດແກ້ລັດຖະທຳມະນູນຈຶ່ງໄດ້ຮັບຄວາມສົນໃຈຢ່າງສູງຈາກປະເທດທີ່ປະສົບເຄາະຮ້າຍຈາກການຮຸກຮານຂອງຍີ່ປຸ່ນໃນສະໄໝສົງຄາມໂລກຄັ້ງທີ 2 ມາໂດຍຕະຫຼອດ ພວກຂ້າພະເຈົ້າຫວັງວ່າ ຍີ່ປຸ່ນຈະຖອດຖອນບົດຮຽນທາງປະຫວັດສາດຢ່າງເລິກເຊິ່ງ, ຮັບຟັງສຽງຮຽກຮ້ອງຈາກປະຊາຊົນພາຍໃນປະເທດຍີ່ປຸ່ນແລະຕ່າງປະເທດທີ່ຮັກຫອມສັນຕິພາບ ແລະສືບຕໍ່ຍຶດໝັ້ນເດີນຕາມເສັ້ນທາງພັດທະນາໂດຍສັນຕິ ເພື່ອສ້າງຄວາມເຊື່ອໝັ້ນໃຫ້ແກ່ປະເທດໃກ້ຄຽງແລະປະຊາຄົມໂລກດ້ວຍການກະທຳຕົວຈິງ.
