ວັນທີ 29 ມີນານີ້, ໃນເວລາຮັບສານຕາຕັ້ງຈາກທ່ານຫົງສຽວຢົງ ເອກອັກຄະລັດຖະທູດແຫ່ງ ສປ ຈີນປະຈຳສິງກະໂປ, ທ່ານນາງຮາລີມາ ຢາກົບ ປະທານາທິບໍດີສິງກະໂປກ່າວວ່າ, ການພົວພັນຈີນ-ສິງກະໂປຂະຫຍາຍຕົວເປັນຢ່າງດີ, ການນຳຂັ້ນສູງສອງປະເທດໄດ້ໄປມາຫາສູ່ກັນເລື້ອຍໆ, ສອງຝ່າຍໄດ້ຮ່ວມມືກັນຢ່າງກວ້າງຂວາງໃນຫຼາຍຂົງເຂດ ແລະ ການແລກປ່ຽນດ້ານວັດທະນະທຳກໍມີຄວາມຄຶກຄື້ນ. ສິງກະໂປຍິນດີພະຍາຍາມຮ່ວມກັນ ກັບຈີນ, ຮັດແໜ້ນມິດຕະພາບ ແລະ ເພີ່ມທະວີການຮ່ວມມືລະຫວ່າງສອງປະເທດ ເພື່ອເປັນການປະກອບສ່ວນໃຫ້ແກ່ສັນຕິພາບ, ສະເຖຍລະພາບ ແລະ ການພັດທະນາຂອງພາກພື້ນ.
ທ່ານຫົງສຽວຢົງກ່າວວ່າ, ຈີນ ແລະ ສິງກະໂປເປັນປະເທດບ້ານໃກ້ເຮືອນຄຽງທີ່ມີໄມຕີຈິດມິດຕະພາບ, ການພົວພັນຈີນ-ສິງກະໂປໃນປັດຈຸບັນໄດ້ກ້າວເຂົ້າສູ່ໄລຍະປະຫວັດສາດໃໝ່ ແລະ ພົບໂອກາດໃໝ່. ຈີນຍິນດີຮ່ວມກັບສິງກະໂປ, ບໍ່ລືມອຸດົມການແຕ່ຫົວທີ່, ກ້າວໄປທັນກັບຍຸກສະໄໝ, ລົງເລິກຄວາມໄວ້ເນື້ອເຊື່ອໃຈກັນທາງການເມືອງ, ເພີ່ມທະວີການເຊື່ອມຕໍ່ຍຸດທະສາດການພັດທະນາ, ລົງເລິການຮ່ວມມື "ໜຶື່ງແລວໜຶ່ງເສັ້ນທາງ" ເພື່ອ ຊຸກຍູ້ໃຫ້ການພົວພັນສອງປະເທດຂະຫຍາຍຕົວຢ່າງບໍ່ຢຸດຢັ້ງ.
 |
