ຂຸມຟ້າເມືອງເຈິ້ນສົງນະຄອນຈ່າວຖົ່ງແຂວງຢຸນນານໄກຈາກເທດສະບານເມືອງ 51 ກິໂລແມັດ, ກວມເນື້ອທີ່ປະມານ 40 ເຮັກຕາ ເຊິ່ງມີຂຸມຟ້າທັງໝົດມີ 6 ໜ່ວຍ ແລະ ໜ່ວຍໃຫຍ່ທີ່ສຸດມີເສັ້ນຜ່າສູນກາງເກືອບ 600 ແມັດ, ສະເລ່ຍແລ້ວເລິກ 120 ແມັດ, ບ່ອນເລິກສຸດມີເຖິງ 150 ແມັດ, ທັງ 4 ດ້ານເປັນເຫວຊັນ, ເໝືອນດັ່ງເອົາໝໍ້ເຫຼັກຕັ້ງຢູ່ກາງພູ. ໃນຖ້ຳຂອງຂຸມຟ້າໜ່ວຍນີ້ຍັງມີ 32 ຄົນໃນ 8 ຄອບຄົວດຳລົງຊີວິດຢູ່ບ່ອນນັ້ນ. ໃນຫຼາຍປີມານີ້, ອຳນາດການປົກຄອງທ້ອງຖິ່ນໄດ້ສ້າງເສັ້ນທາງຊີມັງໃຫ້ແກ່ປະຊາຊົນທີ່ດຳລົງຊີວິດຢູ່ໃນຂຸມຟ້າ, ເຮັດໃຫ້ເຂົາເຈົ້າສາມາດເຂົ້າອອກຂຸມຟ້າໄດ້ຢ່າງສະດວກສະບາຍກວ່າແຕ່ກ່ອນຫຼາຍ.
