ໜັງສືພິມສະຕາຂອງຟິລິບປິນສະບັບວັນທີ 28 ມີນານີ້ ລາຍງານວ່າ, ຫວ່າງມໍ່ໆນີ້, ທ່ານ ເກີລານ ທີ່ປຶກສາການຄ້າຂອງສະຖານທູດຟິລິບປິນປະຈຳຈີນ ໄດ້ໃຫ້ສຳພາດວ່າ, ປະເທດຕົນຄວນຕັ້ງໜ້າອົບຮົມຄູສອນພາສາອັງກິດ ແລະສົ່ງຜູ້ມີຄວາມສາມາດໃນດ້ານນີ້ໃຫ້ຈີນ. ທ່ານກ່າວວ່າ, ປັດຈຸບັນ, ມີຄົນຟິລິບປິນບໍ່ໜ້ອຍສອນພາສາອັງກິດຢູ່ຈີນ, ແຕ່ສ່ວນຫຼາຍສອນຢູ່ໂຮງຮຽນອະນຸບານແລະໂຮງຮຽນປະຖົມ. ຄຽງຄູ່ກັບຈີນເປີດກວ້າງການໄຂປະຕູສູ່ພາຍນອກ, ຊາວຈີນມີຄວາມຕ້ອງການການສຶກສາພາສາອັງກິດ ໂດຍສະເພາະການສອນພາສາອັງກິດດ້ານການຄ້າເພີ່ມຂຶ້ນຢ່າງຫຼວງຫຼາຍ. ຊາວຟິລິບປິນສາມາດສະໜອງການອົບຮົມປະເພດນີ້ ເພື່ອຊ່ວຍຊາວຈີນແລກປ່ຽນກັບຄູ່ການຄ້າທີ່ບໍ່ຮູ້ພາສາຈີນໃຫ້ດີກວ່າເກົ່າ, ທ່ານເຊື່ອວ່າ, ຈີນແລະຟິລິບປິນຈະໄດ້ຮັບຜົນປະໂຫຍດຮ່ວມກັນໃນຂົງເຂດນີ້.
ຕາມຂ່າວແຈ້ງວ່າ, ຄຽງຄູ່ກັບການພົວພັນຈີນ-ຟິລິບປິນໄດ້ຮັບການປັບປຸງໃຫ້ດີຂຶ້ນແລ້ວ, ອົງການສອນພາສາອັງກິດສ່ວນໜຶ່ງພ້ອມດ້ວຍສະມາຄົມຂະແໜງການດັ່ງກ່າວຂອງຟິລິບປິນພວມເລັງສາຍຕາໃສ່ຈີນແລະໄດ້ໃຊ້ການກະທຳທີ່ຕັ້ງໜ້າເປັນຢ່າງສູງ.
 |
