ຫວ່າງກ່ອນນີ້ບໍ່ດົນ ໃນເວລາໃຫ້ສຳພາດຢູ່ນະຄອນຫຼວງປັກກິ່ງ ທ່ານຊາເອີສ ໂບມັນ ເຈົ້າຄອງນະຄອນການທະນາຄານລອນດອນປະເທດອັງກິດກ່າວວ່າ, ນະຄອນການທະນາຄານລອນດອນມີບົດຮຽນອັນອຸດົມສົມບູນໃນການສ້າງຕົວເມືອງແບບສມາດ, ຫວັງວ່າສາມາດຊ່ອຍເມືອງໃໝ່ສົງອ່ານບັນລຸການພັດທະນາແບບສມາດແລະສີຂຽວ.
ທ່ານບອກນັກຂ່າວວ່າ, ໃນຖານະເປັນຝ່າຍກໍ່ສ້າງນະຄອນການທະນາຄານລອນດອນ, ກຸ່ມທ່າເຮືອຄານາຣີໄດ້ເຊັນສັນຍາການຮ່ວມມືກັບເຂດໃໝ່ສົງອ່ານໃນເດືອນມັງກອນປີນີ້,ຄອງຄອຍຮ່ວມກັບຄູ່ຮ່ວມມືຂອງຈີນຮ່ວມກັນຊົມໃຊ້ບົດຮຽນການສ້າງສານະຄອນການທະນາຄານລອນດອນ. ຂະນະດຽວກັນ, ນະຄອນລອນດອນຍິນດີນຳເອົາຄວາມຮູ້ດ້ານວິຊາການຄື ການທະນາຄານແລະການບໍລິການເປັນຕົ້ນຂອງຕົນທີ່ສະສົມມາເປັນເວລາຫຼາຍປີນຳມາໃຫ້ຈີນ, ເພື່ອປະກອບສ່ວນເຂົ້າໃນການກໍ່ສ້າງຕົວເມືອງແບບສມາດຂອງຈີນ ກໍຄືຂອງໂລກ.
ທ່ານໂບມັນກ່າວວ່າ, ເມືອງສົງອ່ານອາດສາມາດຈະກາຍເປັນສູນການທະນາຄານຕີຈິດອນແລະສູນປະດິດຄິດສ້າງໃໝ່ອັນດັບໜຶ່ງໃນໂລກ, ສ່ວນນະຄອນການທະນາຄານລອນດອນມີທ່າແຮງໃນຂົງເຂດທີ່ກ່ຽວຂ້ອງ, ຍິນດີສະໜອງບົດຮຽນທີ່ດີແລະການບໍລິການດ້ານການປະດິດສ້າງໃໝ່ທີ່ຄົບຖ້ວນໃຫ້ແກ່ເມືອງໃໝ່ສົງອ່ານໃນຂົງເຂດຕ່າງໆຄື ວາງແຜນຜັງເມືອງ, ຄົ້ນຄວ້າພັດທະນາ, ລະດົມທຶນ, ການກໍ່ສ້າງພື້ນຖານໂຄງລ່າງ ແລະອື່ນໆ.