ກອງທັບສ ເກົາຫຼີແລະອາເມລິກາໄດ້ເປີດການຊ້ອມຮົບຮ່ວມພາຍໃຕ້ລະຫັດ "ແຮ້ງ"ໃນວັນທີ 1 ເມສານີ້. ຕາມແຜນການ, ການຊ້ອມຮົບຮ່ວມຄັ້ງນີ້ຈະດຳເນີນໄປເປັນເວລາ 4 ອາທິດ, ທຽບໃສ່ທຸກປີຜ່ານມາ ເວລາການຊ້ອມຮົບໄດ້ຫຼຸດລົງເຄິ່ງໜຶ່ງ. ຂ່າວສານໂຢນຮັບສ ເກົາຫຼີລາຍງານວ່າ: ສ ເກົາຫຼີໄດ້ສົ່ງທະຫານປະມານ 300.000 ຄົນ ແລະອາເມລິກາສົ່ງທະຫານປະມານ 11.500 ຄົນເຂົ້າຮ່ວມການຊ້ອມຮົບຄັ້ງນີ້.
ຕາມປົກກະຕິແລ້ວ, ການຊ້ອມຮົບຮ່ວມ"ແຮ້ງ"ຈັດຂຶ້ນໃນຕົ້ນເດືອນມີນາແຕ່ລະປີ ໂດຍດຳເນີນໄປເປັນເວລາປະມານ 2 ເດືອນ. ແຕ່ສຳລັບປີນີ້, ສອງປະເທດໄດ້ຕັດສິນເລື່ອນເວລາຈັດການຊ້ອມຮົບຮ່ວມໂດຍຈັດຂຶ້ນຫຼັງງານມະຫາກຳກິລາໂອລິມປິກຄົນພິການລະດູໜາວພຽງຊາງສິ້ນສຸດລົງ.