ໃນໄຕມາດທຳອິດຂອງປີນີ້, ພາກສ່ວນປາບປາມຢາເສບຕິດຂອງກຳປູເຈຍສາມາດມ້າງຄະດີທີ່ມີສ່ວນກ່ຽວຂ້ອງກັບຢາເສບຕິດ 1.925 ລາຍ, ຈັບ ຜູ້ຕ້ອງສົງໄສໄດ້ 3.945 ຄົນ, ຍຶດຢາເສບຕິດໄດ້ 58 ກິໂລ.
ພາກສ່ວນປາບປາມຢາເສບຕິດຂອງລັດຖະບານກຳປູເຈຍໄດ້ເຜີຍແຜ່ບົດລາຍງານໃນວັນທີ 1 ເມສານີ້ໂດຍສະແດງໃຫ້ເຫັນວ່າ: ມາຮອດວັນທີ 31 ມີນາຜ່ານມາ,ໃນຈຳນວນຜູ້ຕ້ອງສົງໄສທີ່ມີສ່ວນກ່ຽວຂ້ອງກັບຢາເສບຕິດທີ່ຖືກຈັບຕົວໃນໄຕມາດທຳອິດຂອງປີນີ້ນັ້ນ, ມີແມ່ຍິງ 316 ຄົນ, ຄົນຕ່າງປະເທດ 49 ຄົນ ເຊິ່ງໃນນັ້ນລວມທັງແມ່ຍິງ 10 ຄົນຈາກ 7 ປະເທດ.
ບົດລາຍງານດັ່ງກ່າວລະບຸວ່າ,ຄະດີທີ່ກ່ຽວພັນເຖິງການຄ້າຂາຍ,ຮັກສາໄວ້,ປຸງແຕ່ງຢາເສບຕິດແລະປູກຕົ້ນຢາເສບຕິດນັ້ນມີ 1.237 ລາຍ, ໃນຈຳນວນຜູ້ທີ່ຖືກຈັບຕົວ 2.288 ຄົນນັ້ນ, ມີແມ່ຍິງ 221 ຄົນ.
ບົດລາຍງານດັ່ງກ່າວຍັງລະບຸຕື່ມວ່າ: ໃນການເຄື່ອນໄຫວ,ເຈົ້າໜ້າທີ່ຕຳຫຼວດສາມາດຍຶດລົດຂົນສົ່ງຢາເສບຕິດໄດ້ 21 ຄັນ, ລົດຈັກ 397 ຄັນແລະເຄື່ອງມືໂທລະຄົມເປັນຕົ້ນ ໃນນັ້ນລວມທັງອາວຸດປືນຍາວແລະສັ້ນ 11 ກະບອກ.
 |
