ໃນງານກິລາແລ່ນມາລາທອນອູຊີ່ 2018 ທີ່ຈັດຂຶ້ນຢູ່ນະຄອນອູຊີ່ ແຂວງຈ່ຽງຊູ່ ສປ ຈີນໃນວັນທີ 25 ມີນາຜ່ານມາ, ມີຜູ້ແລ່ນມາລາທອນໄວກາງຄົນຜູ້ໜຶ່ງ, ເມື່ອແລ່ນຮອດຕໍ່ໜ້າຊ່າງຖ່າຍຮູບ, ລາວຈະໃຊ້ມືຊ້າຍເປີດປຶ້ມນ້ອຍໆຫົວໜຶ່ງໄວ້ເທິງໜ້າເອິກ,ຍົກມືຂວາເຄົາລົບຊ່າງຖ່າຍຮູບ. ເທີງໃບໜ້າຂອງລາວມີຄວາມໂສກເສົ້າຫຼາຍ, ລາວບອກວ່າ: "ລູກສາວຂ້ອຍຫາກໍ່ເສຍໄປ,ຂ້ອຍມາແລ່ນມາລາທອນອູຊີ່ເພື່ອລູກສາວ,ຂໍໃຫ້ທ່ານຖ່າຍຮູບໃຫ້ຂ້ອຍແດ່." ຊ່າງຖ່າຍຮູບຜູ້ໜຶ່ງກ່າວວ່າ: "ເມື່ອຜູ້ແລ່ນມາລາທອນຜູ້ນີ້ແລ່ນເຖິງໜ້າກ້ອງຂ້ອຍ,ຂ້ອຍມີຫຼາຍແນວຊິເວົ້າແຕ່ເວົ້າບໍ່ອອກຈັກຄວາມ,ພຽງແຕ່ຢາກໄຫ້ເທົ່ານັ້ນ…"
ຜູ້ແລ່ນມາລາທອນຜູ້ນີ້ມີຊື່ວິແຊັດວ່າ ຈິ່ງຕຸ່ງປາຍຢາງ, ປຶ້ມນ້ອຍໆທີ່ລາວເປີດໃຫ້ເບິ່ງນັ້ນເປັນປັສປໍຂອງນາງຢາງເຢ້ວ ລູກສາວກົກຂອງຕົນ. ນາງຢາເຢ້ວກໍເປັນຜູ້ນິຍົມກິລາການແລ່ນເຊັ່ນກັນ. ປີນີ້ອາຍຸ 23 ປີ. ວັນທີ 4 ມີນາຜ່ານມາ, ນາງຫາກໍ່ລ່ວງລັບໄປຈາກອຸບັດເຫດລົດຕຳ. ສ່ວນງານກິລາແລ່ນມາລາທອນອູຊີ່ເປັນການແຂ່ງຂັນທີ່ນາງຫວັງເຂົ້າຮ່ວມມາແຕ່ດົນແລ້ວ ທັງເປັນການແຂ່ງຂັນມາລາທອນຄັ້ງທຳອິດທີ່ນາງສະໝັກເຂົ້າຮ່ວມ.